العزيزه مهره

اسفه اني اقولج انج يالسه اتدمرين نفسج تدمير سريع.....تبغين تكسرين المجاديف وتجلبين المركب اللي انتي فيه وتغرقين وتغرقين عايلتج....سيناريو مفصللچ اياه الشيطان بكل جداره...وايد تعبتي ابليس هالمده كلها وكبرلج الصغير وخلا الدنيا سوده مافيها غير اتطلق.....

غيري نفسج...اظهري ضعفج....لاتعتقدين تماسكج جدامه نقطه لمصحلتج وتقولين هذا اسلوبي ومااقدر اغيره....
ودي اقولج كلاااااام وااااايد بس لاني انسانه صعب اطلع المي اقولج اسلوب دفاعج مب ياييب نتيجه..

قاومي نفسج وشيطانج اول شي
جددي نفسج بانج تسمعين محاضرات وتقرين كتاب لاتحزن
اتخذي مصلاج وسجادتج المكان اللي تختلين فيه مع ربج ونفسج لانه مافي غير رب العالمين قادر يدفع البلاء والوسواس عنج.لازوج ولا اهل زوج...لاتربطين حبل النجاه في هالحياه بأهل ريلج وريلج....

حاربي بس باستراتيجيه جديده
المج طلعيه...دموعج ومرحلة الانكسار اللي هو سببها خلي يشوفها لانه هو سببلج اياها...
بدون صراخ واهانات واتهامات
بتكتشفين شخص ماكنتي تتوقعينه من هالريال..طفل كبير...

توقفي وامسكي نفسج....اقولج اياها من وحده للاسف صاحبة تجربه في الانهيار والانهيار السريع...


راجعي حساباتج ومعركتج .....ماحبيت لج اسلوبج الانهزامي....

__________________
لا تحرص على إكتشاف الآخرين أكثر من اللازم ، الأفضل أن تكتفي بالخير الذي يظهرونه في وجهك دائماً ، واترك الخفايا لرب العباد .
لو اطْلَعَ الناس على مآ في قلوب البعض لمآ تصآفحوا إلا بالسيوف "