رجعت لكم مع مستجدات كثيره ..
- جاني ترشيح من الحكومه عن طريق المدرسه اني اعمل بالصيف بنفس مدرستي بس يصير عندي راتبين
راتب الحكومه و القطاع الخاص
و انبسطت وقلت لهم برد لكم خبر بعد 3 ايام و بفكر
( ادارتي سياستها مع الموظف : تكسير المجاديف )
حتى لو هو مميز مايحبون انه يحس بهالشي
الحين هم محتاجيني بالصيف انا متأكده مليون بالميه لانهم كانوا يترجوني اوافق على العرض
لما قلت بفكر .. الكلمة هذي اصابتهم بمقتل

رحت لهم بعد 3 ايام وسألت المديره عن كيفية العمل بالاجازه وعدد الساعات
قالت لي موافقه للعمل ؟
قلت بابتسامه واثقه : شكلي بوافق
قاطعتني وضحكت ضحكة سخريه وقالت : بس ترا في وحده رشحت نفسها وبتصير مفاضله
واذا حسينا نبغاك بنتصل ( كانت تتكلم بكل غرور و فوقيه )

انا عرفت انها تبغى تحطمني وبس
لان هالسياسه متبعينها مع زميلاتي من قبل
وعارفه ان مافي وحده مرشحه نفسها لان ممنوع نظاميا الترشيح الشخصي
وعارفه ان بالنهايه بتتصل وتقول تعالي اشتغلي عندي انتي اللي وافقت عليك
بس كذا تبغى تحسسني اني شخص عادي ..

وانا حلفت بالله لو جاني هالترشيح برفضه حتى لو اكتب اعتذار للجهه الحكوميه
انا ماحب اللعب القذر هذا

و احدي الإداريات أك‍‍دت لي كل ظنوني - وهي مقربة من المديره -
قالت ترا يلعبون لعبه وصخه عليك
يبغون يحسسونك انك ولا شي
وقبل التوظيف بيوم بيجون يقولون نبغاك

- نجي للموضوع الثاني :
انا تعبت نفسيا من حركاتهم والاعيبهم
الوكيله الين اخر يوم وهي تصارخ وتنافخ علي

صرت انام بدموع و اصحى بدموع
كرهت كرهت دوامي
صرت اداومه وكل حزن الدنيا فيني

حتى الحين من غير ما يداومون الطالبات
وهم مستغليني
يخلوني اشتغل شغل اضافي اجباري نيابة عن اي موظفة غايبه

وصلت لنقطة الصفر و قدمت استقالتي الاحد اللي راح
و اليوم رفعت عليهم دعوى بمكتب العمل
وطالبت بلجنة تحقيق بسبب ( عدم اعطاىي لمستحقاتي - شهادة الخبره ماعطوني اياها - رفعت دعوى على الوكيله و المديره وطلبت استدعائهم وكتبت السبب معاملتي بجور وقسوة واهانه مما دفعني لفسخ العقد ظاهريا )

الحين انا كل ادبي و اخلاقي ندمانه عليهم معاهم
و ابغى انتقم .. ابغاهم يتمرمطون مع مكتب العمل وانا عارفه القانون بصفي
واحس بتعب كثير لو خليت الموضوع معلق وسويت نفسي سامحتهم و مضيت بحياتي
احس كذا بتنكسر شخصيتي القويه

لكن بالمقابل اللي الحين مأرقني :
هل اطالب بحقوقي الماديه فقط ؟
هل اسكت عن حقوقي المعنويه - لان ماعندي اثبات ورقي ؟
الموظفة بمكتب العمل قالت لي : نقدر ننصفك بس السالفة بتطول وبتكون في جلسات امام المفوض
ومواجهات

انا ماعندي مانع اتواجه

بس انا ما ابغى ادخل معركة خاسره
+
انا خايفه
لان ورقة استدعائهم لازم اسلمها لهم شخصيا بنفسي بكره
و خايفه من ردة الفعل لانهم اكبر مني هههههههههههه
ادري ان سببي سخيف بس والله بطني تعورني
خايفه يطولون لسانهم علي
افكر اخذ جوالي واسجل كل جلستنا بكره
ماعرف كيف ادخل عليهم وايش اقول
واذا طلبوا النقاش .. كيف اتهرب من النقاش بدون ما يبان اني خايفه ههههه : (

انا حاليا مطالبي : حقوقي الماديه توصلني قبل جلسة المفوض
حقوقي المعنويه بتسامح فيها بشرط يكتبون لي اقرار خطي بأخطائهم واعتذار خطي
( مدري هل من حقي اطالبهم باعتذار واقرار )
هل اتنازل عن حقي المعنوي
مع ان ما ودي لانه اكثر شي جارحني وكاسرني
لكن المشكله ماعرف كيف اثبت انهم غلطوا علي معنويا
لانه مافي شي مباشر
كان اسلوبهم معاي منافخ وصراخ و تحقير : يعني مافي كلمة قويه انقالت امسكها عليهم

كيف ادخل على المديره وايش اقولها :
انا مفكره ادخل اسلمها طلب الاستدعاء وما اسمح لها بالنقاش معي
فقط اعطيها طلباتي
واقولها عندكم موعد الين جلسة الاثنين القادم .. وهذي طلباتي
اذا لبيتوها بتنازل واذا مالبيتوها راح اكمل مشواري

ارفض النقاش مطولا وبتفصيل مع اي كان في اي تفصيل
الا بحضور المفوض فققققققققط

كذا صح علي ؟ هههههههههه

يعلم الله ان عندي هدفين من نقاشي معهم
هدف اخروي وهو ( ولمن انتصر بعد ظلمه فأولئك ماعليهم من سبيل )
وهدف شخصي ( اني ما ابغاهم يكسروني واصير احس ان بامكان اي احد يهينني وماقدر اسوي شي بالقطاع الخاص - ابي اثبت لنفسي قدام نفسي ان فعلا القانون معاي )