اقتباس:
المشاركة الأصلية كتبت بواسطة ام مريمي
حبيبتي جوهررة الحمدلله ربي اظهر الحق والله فرحت لك وكنت ادعي وخبرت الوالدة بقصتك تاثرت جد ،، الحمدلله ربي يريح بالك اكثر ..
بالنسبة لزوجك ،، ممكن سحر وممكن لا بالحالتين التوبة ضرورية ومو كل مرة نخلي السحر علاقة لافعالنه ..
بالنسبة لها انا قلت لك الاخت يبين عليها لما قالت تعويض معناه فلوووس وشوفي من اي داهية هي حملت الحين! بالنسبة لمكان اختبائها يظل اللي ببالك ظن وممكن هي تتواصل مع وافد آخر ؟؟ جا واخذها مثلا؟ فانتي خلي الشرطة هي اللي تتصرف معاها و ارفعي عليها قضية عشان ماترجع البلاد وتعيث الفساد مرة ثانية ،، خادمة عمتي بعد الاكشن المحترم وبعد ما اتهمت جميع ابناء عمتي وزوجها اتضح انها تتنقل من شخص لشخص بالمنطقه يعني من نفس جنسيتها ! واتضح انها مصابة بامراض والحمدلله انها انكشفت ومنها عملوا لها ابعاد نهائي! هاذي وباء متحرك ..
انتي اللي عليك حاليا تتأكدي من اقفال بيتك تمام لحتى ما تسوي لكم مصيبه ، تأكدي ماعندها مفتاح نسخة من عند زوجك ، او حتى غيري اقفال البيت لان عادي تدخل وتاخذ اغراضها وماتشوفين غبارها ، ارفعي عليها قضية ابعاد ، فتشي في اغراضها ممكن سارقة شي مخبية صور واشياء لكم ، لان خادمة اخي كانت تاخذ صور زواجه وتحرق صورة زوجته وتاخذ صورته وصور اطفاله وكاتبه كتابات غريبة عجيبة وهالشي بالصدفة لقوه بالمكتب! وايضا سرقت فلوس وذهب وخبته باماكن ما تدش البال ،، زوجك اذا قدرتي وديه لشيخ وشوفي الموضوع هل صحيح ام لا وابتدي بعلاجه ،،
|
ياحياتي الله يسعد قلبك ويحفظ لك الوالده ولايحرمكم وجودها يارب
تصدقين ذكرتيني بتغيير اقفال البيت لانها يوم هربت كان الباب مقفل بالقفل والمفتاح معاي توني اتذكر الله يذكرك بالشهاده
زوجي ياحياتي حالته مايعلم فيها غير الله بس حابس نفسه بغرفه ويصلي ويدعي ويقرا قران
يعني بس يروق وعدني يروح لشيخ باذن الله
حلوه والله فكرت القضيه راح اقول لزوجي لان هذي من جد مصيبه وفساد
الله يطمن قلبك حبيبتي مثل ماكلامك يطمن قلبي