رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة أم الدانــــــة
عارفة مهرة أنا مستغربة من شي ..
إنتي طول هالوقت .. (سنة ونص) وربما قبلها سوالف زوجك الثانية ما ادري قبل السنة والنص أو خلالها ..
يعني ساكتة وماعبرتي عن غضبج ..
وأمور تزعج الصراحة مثل الروج والعلامات ع الجسم ويحادث غيرج وهو معاج و و و ..
يعني امور كبيرة ماكان لازم من البداية تطوفينها ..
ليش ماستنفرتي لنفسج ..؟
ليش ما تمردتي على الوضع ؟؟
ساكتة طول الوقت ..
ومن قال إن السكوت هو العقل والحكمة ..؟؟؟
كان لازم تكونين قوية في هالحالات .. مش قوية يعني تتمالكين نفسج وتسيطرين على أعصابج .. لا ..
قوية يعني شرسة ..
يعني اللي يضايقج ماتسمحين له يتمادى ..
واجهيه .. أصرخي .. عصبي .. طلعي الغضب اللي فيج وخليه يحس إنج مش مسالمة ومستسلمة ..
علميه إنج لج شخصيتج ولج كيانج ويحترمج ويراعيج غصب مب طيب ..
مشكلتج ماعندج حل وسط .. يا ابيض يا اسود ..
فيج عناد عجيب .. وعزة النفس فاهمتها غلط .. معليش تقبلي مني هالكلام ..
لو عازة نفسج ماكنتي سكتي عن أمور كثيرة وكبيرة وذكرتيها بالموضوع ومشت بهدوء أو بتجاهل أو نقاش هين لين ..
زوجج ماينفع معاه هالشي ..
يا أم الدانة تعبتو لي قلبي وانتو تعاتبوني هالعتاب!
يعني وإذا سكت سنة ونص! .. أتم ساكتة العمر كله؟!!!!!
طيب يا اختي أنا كنت غبية .. كنت هبلة .. كنت متعشمة إنه يفهم ويقدر .... أظل غبية وهبلة العمر كله؟!!
يا أم الدانة أنا إنسانة جبانة .. كنت أتجنب أوصل لهالمرحلة لأني أخاف منها وما أقدر أواجهها .. كثير منكم قلتو لي لي ثوري واصرخي وتمردي وعبري عن غضبج .... طيب وبعدين؟ .. كيف راح ترجع حياتي طبيعية مرة ثانية؟! .. والله العظيم والله العظيم أنا ما أعرف أعيش جذي.
مشكلتي فعلاً إني إما أبيض وإما أسود .. عيب أزلي عندي ما عمري قدرت أتخلص منه.
بالنسبة لزواجه ..
بصراحة مع إني أكره هالشي ولا أطيقه .. لكن عشان هذا شرع الله وصار واستوى ..
واضح ان هذا بيصير عاجلا ام آجلا .. ويدخلها بيت أهله ويدمجها معاهم ..
ويطلعها بالعلن من بعد الخفاء .. لي متى يعني كنتي متوقعة سالفة السر؟؟
واضح انه يحبها وناوي يستمر معها .. وأعتقد العدل مطلوب ..
|
وهل أنا منعته من العدل؟!
خليه يعدل ويعطيها كل حقوقها وفوق حقوقها بعد .. بس يطلقني.
__________________
اللهم طِيبَ الأثر .. وحُسْنَ الرحيل.