رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة RAOUF&RANA
انتى مافيش فى ايديكى عناصر ضغط يامهره والزمن مش فى صالحك ..
هى دخلت البيت خلاص ورد فعلك هاااااااااااادى اوى ..
كبيرها رساله بعتلك بعدها باحبك ..
شاكلك لا عاوزه طلاق ولا عاوزه تسيبى البيت وكمان سكتى سنه ونص ..
خلاص انتظرى الاسبوعين اللى فاضلين ويرجعلك اجازه وشوفى قراره
واخده بالك ..
قراااااره ايه ..
انتى فاكره لو قلتى عاوزه حايقولك امين ؟
بصراحه يامهره لو مش قادره وده اللى ملاحظه .. افضلك خليكى بالبيت وسط عيالك ومالكيش دعوه بما يدور خارج الدار ..
|
برضو رد فعلي هادي؟ 
برضو لازم أعمل هليلة؟!!
طب احلفلك يعني إني عايزة الطلاق بجد؟
بغض النظر عن قناعتي الخاصة بخصوص ترك الزوجة لبيتها لما تزعل .. وبغض النظر عن توقعي لرد فعل زوجي لو طلعت وانه هيمسكها عليا غلطة .. الطلوع مش هو اللي هيخليه يفهم تأثير اللي حصل عليا!
يا خالو هو مش عيل صغير .. مش إنسان عبيط أو عقله ناقص .. هو برضو بيفهم .. مجرد سكوتي التام دلوقتي معناه واضح تماماً ومش عايز فكاكة.
يعني هو عقلاني وبيفهم وبيعرف يخطط لكل حاجة وهيجي لحد عندي ولازم أعمل ثورة عظمى عشان اخد له باله إني مجروحة منه قد ايه!!
على كل حال سايرني يا خالو وخدني على قد عقلي .. أنا صحيح عايزة أتطلق .. لكن لو كان ده ممكن يحصل من غير مشاكل ومن غير صوت عالي ومن غير عناد ومن غير شحططة لعيالي فأكيد هو ده اللي هعمله.
أما بقى لو ما حصلش .. فساعتها ندور على طريقة تانية.
__________________
اللهم طِيبَ الأثر .. وحُسْنَ الرحيل.