رد : أمي .. زوجي .. وحياتي ..
اقتباس:
المشاركة الأصلية كتبت بواسطة فاكهة الشتاء
حبيبتي ام الدانة
ما شاء الله عليك يا ام الدانة كبرتي بعيني يالغالية
لا تتركين الوالدة الله يخليك
وباذن الله ان اللي تسوينه بتلقين بركته في عيالج ونفسج
واسمحي لي
قولي لاختك اللي تتوحم والثانية يتلحلحن شوي
كلنا توحمنا ولكن الام ما تتعوض
مو اعذار ابدا
كلكن ولازم على الجميع الاولاد والبنات
تقتسمون ايام الاسبوع
كل يوم احد يكون معاها وتساعدوا على البر
|
يا حبيبتي ..
الله يجزاك خير على كلامك الطيب ..
والله أخواني مو مقصرين أنا بقول لك:
كلنا 5 .. ناقص أنا صارو 4 .. أخوين وأختين ..
أخوي الكبير مايقصر رايح جاي على المستشفى ..
أختي الحامل .. جدا متعبة والله يعزك معاها بواسير حادة ماتقدر تمشي إلا بالموت ولا تقعد .. وهي أصلا صار لها فترة ببيت أبوي من التعب .. أنا حاسة فيها.. لأني اصير مثلها في حملي .. بدون مبالغة تعب شديد .. لأيام طويلة مايدخل شي فالمعدة ..
أختي المتوسطة كانت تقريبا تاركة بيتها ومقيمة ببيت الوالدة تراعي أمي واختي الصغيرة .. ولما امي تنومت بالمستشفى صار وقت أختي هنا وهناك المسكينة .. زوجها مايشوفها إلا وقت النوم ..
مسكينة كلشي على راسها .. تروح البيت عشان ولدها وابوي وأختي .. وتروح العمل .. وتروح لأمي المستشفى .. وآخر اليوم تررح بيتها لزوجها .. ماعندها وقت ترتاح ..
باقي أخوي الصغير . عملها نظام مناوبات عمله لساعات طويلة ومتعب جدا .. يروح لها وهو رايح شغله .. ويمر عليها وهو راجع من شغله ..
أنا تعمدت أخلي عيالي هنا عند جدتهم .. عشان أنا لما أروح أكون فاضية وماحاتي عيالي وين بخليهم ومين معاهم .. وبكون عند الوالدة طول الوقت بإذن الله .. الله ييسر ..
وناوية بإذن الله لما يخلصون بناتي امتحاناتهم آخذ اجازتي السنوية شهر واجلس هناك، مثل ماقالت دوندرمة زوجي محد وعيالي إجازة .. ويمكن لو خلصت إجازتي وشفت فيه حاجة أمدد الإجازة بدون راتب ..