رد : بعد هجره لي مدة 6 أشهر ،، زوجي يرغب في تطليقي
مرحبا ،،
ملكة الاحساس ، سبب طلاقه الأول كان جدا تافه لما سألت زوجي
عن السبب قال انه بعد ولادتها ب ابنه فصلت عبايه جدا ملفته
ومزركشه كنها فستان وكانت مصممه تطلع فيها وهو كان رافض تلبسها
وكبرت السالفه لحد ماوصلت للعناد والطلاق ،،
خاله بيتا و أم مريمي ،، أنا مو قاهرني الا هالعناد اللي راكب راسه
والله العظيم يمكن فوق ال 7 او 8 اشخاص تدخلوا للصلح بينا بس هو
رافض أي تدخل وحتى زوج أختي قال كلما خوفته من الله وقلت له حرام
ترى عندك خوات على طول يقاطعه ف الكلام مايبي يحس بالذنب أبد ،،
يارب حقق حلمي ،، أنا خلاص وقفت أي اتصال من ناحيتي لأني كل مره
أوصل معاه لطريق مسدود ،، ماكان يعطيني أي مجال ولما يحب ينهي
النقاش معاي يسوي لي حظر على طول وبعد فتره يشيل الحظر ،،
العقد الفريد ،، لو يبغاني صدق ارجع لبيتي كان ع الأقل لمح مجرد تلميح
أو بادر بأي شيء ولو بطريقة غير مباشره ،،
بس لما يقول { يبوني أطلق بطلق ما يبوني بكيفهم بس رجعه مارح ارجعها }
ايش معناتها ؟!
قبل أسبوع شال عني الحظر وارسل لي { ممكن أشوف البنات لو سمحتي }
قلت له ماحد منعك عن بناتك بس لازم تعطي الوالد خبر قبل لا تجي
رد : ليه لازم اخذ اذن من ابوكي عشان اشوف بناتي ،، يلا جهزيهم بالليل
بجي اخذهم بالسياره ،،
رديت عليه : دامني ف بيت أبوي الأمر امره والبيت بيته وانا تحت أمر ابوي
حتى لو هم بناتك ، تبي تشوفهم بالبيت حياك الله بس تاخذهم برا لا ،،
{لأن الاثباتات كلها معاه وخفت ياخذهم مني }
بس طنش ومعاد رد ولا جاء ،،
والحين امي وابوي كل يوم مشاكل أبوي يقول بروح اسوي له استدعاء من المحكمه
وأمي رافضه تقول لسه بدري ع سالفة المحاكم لازم نصبر شوي ،،
وانا نفسيتي جدا تعبانه وماصرت اتحمل اسمع اي شيء يخص هالموضوع
مع أهلي وصديقاتي ينصحوني افتك منه وقالوا لي زوجك يخوف وماله أمان
وجالس يعاقبك ،،
الحمدلله على كل حال