رد : بعد هجره لي مدة 6 أشهر ،، زوجي يرغب في تطليقي[ مستجدات بالرد 79]
أنا عارفه أخوي ما غلط وكلامه عين العقل بس مشكلته
زوجي يتحسس من أي كلمه أخوي يقولها حتى لو ماكان يقصد
ويجلس الكلام براسه ويفسر ويحلل ع كيفه لدرجة اوقات يتصرف
معاي تصرفات تقهر وأكتشف ف الاخر ان زوجي يعاقبني بسبب الكلام
اللي صدر من أخوي .. الوالد انسان مسالم جدا ومايحب المشاكل
وكل مره تصير مشاكل بينا الوالد يكلم زوجي بنيه طيبه واسلوب هادي
عكس أخوي دايم يخش ف عين زوجي ويسمعه كلام قوي وزوجي ما يعجبه
عشان كذا يتضايق منه وياخذ بكلامه ويعاقبني أنا ،،
وبالنسبه للرسايل أنا بينت لزوجي أني للحين شاريته
وقلت له اعتقد انك جيت للبيت تتفهم مع الوالد مو مع أخوي
واللي بجد شاري زوجته وعياله مارح يهتم لكلام أي احد ،،
وللحين انتظر يشوف كلامي بس عاهدت نفسي ما أذل نفسي
أكثر واترجاه اكثر إذا هو شارينا أنا وبناتي راح يجي وياخذنا ،،
نصايحكم لي شجعتني كثير أني ما ادل نفسي له اكثر من كذا ،،