والله يا اختي ،، برأيي معاك حق بكل اللي سويتيه ! ،، لما يجينا زوج يشكي خيانة زوجته فإننا نصبره ونحاول تبرير فعلتها والخ ولكن بالنهاية اكثر الزيجات تنتهي حتى بالخيانة البسيطة للزوجة والسبب الزوج مو قادر يواصل او ينسى واحنا نعذره ! .. في حين لما تكون الخيانة من جانب الرجل فنصر على التحمل والصبر والمشي على القلب المجروح في حين ان الحالتين متشابهتين اذا الطرف المجروح مو قادر يواصل ويحتاج لوقت يلملم نفسه وقلبه ويبتعد شوووي ..

حطيت بنفسي بمكانك ،، وكثر ما احب زوجي راح تكون رده فعلي قوية صعب اقدر امثل عليه ! بحتاج لوقت ابتعد فيه من غير تواصل اعيد ترتيب افكاري ، افكر بايجابياته ، اتقرب من ربي اكثر واشكي له همي ، احاول اغير جو قدر المستطاع ، بالنهاية اتخذ القرار النهائي بناءا على جدية زوجي بمواصلة حياتنا الزوجية و توبته لنفسه قبل ما يكون لنفسي ، صدقه ومحاولته للتعويض لي ولاطفالي ..

اخذي مساحتك الخاصة من غير تواصل اعتبريه فترة نقاهه وبعدها اتخذي القرار الصائب ،، وانصحك اذا لمستي تغير وصدق عند زوجك فلا تنهي ما بينكم وحاولي تعطيه الفرصه للتعويض ،، وحطي ببالك انك اذا رجعتي هالمرة لازم التغيير يكون منك انتي مو لزوجك لا لنفسك ولاولادك ! لا تذكريه بالماضي واعتبريها صفحة وانطووت ..