رد : معقولة طلقني ؟؟؟
جهزت شنطتي البارح وحطيته بغرفة الملابس عشان مايشوفها
قبل انام وصليت الفجر وجلست انتظره يطلع دوامه
غفيت نممت وشاف الشنطه للاسف صحيت حصلت الباب مقفل بالاقفال ومفاتيحي اخذهم
قمت ابكي زي المجنونه
ارسل مسج قال الريموت عنده لك امانه
رحت اشوف الا ورقة كاتب لي فيها
رب ضارة نافعه !!!
طلاقنا الي انا غلطت وافتعلته خلاني اصحى وافهم حجم المصيبه الي حنا فيها
حبيبتي ماقدر على فراقك مستعد اسوي اي شي تبينه
اعترف بغلطتي بس يشهد علي ربي لي فتره مصفي الوضع وتايب لله والي شفتيهم كانت قبل فتره
احبك والقادم افضل باذن الله
انا حجزت لك سفريه بعد العيد لاوروبا هدية مني لك
ضميري عذبني ومنظرك عذبني ..
انا غلطان وانا الي استاهل الزعل
انتي الطيبه الحنونه الرحيمه حساسه قلب صافي ونيتك اصفى وقفتي معاي بكل اموري صبرتي علي وعلى طيشي
مانسى تزوجتك وتصرفاتك تدل على طهارتك ونظافتك
احبك .... انتهت رساله
انا استغربت من اعترافه لغلطته ومن مدحه لي
رجع بدري من دوامه وقالي رجعت وربي وكلي لهفه عليك رجعت بدري عشانك
قلت اهلي بيسافرون وابغى اجلس معاهم لاتحرمني
قال اوك انا عازمك الليله مجهز لك مناسبه
طلبت ياجلها لاجل غير مسمى
وسايسته وقال تبين اخليك تروحين نزلي نص اغراضك
نزلتهم ورحت
وانا نازله دقيت على الخدامه عشان تاخذ طفلي والاغراض
وانا قلت له انت سبب لكل الم في قلبي وانت سبب لكل حزن بقلبي انت كسرت مكانتك بقلبي
حكاية انه تطلق وتقول لي طالق وانا اسكت وابكي وترجعني واسكت مستحيل لازم حقي اخذه وباخذه ومن داخل عينك
ماينفع كلمة اسف وسامحيني
سامحتك مره ومرتين وثلاث واربع وخمس
السادسه انت طلقت !!!!!!
مصروف ولدك ارسله باستمرار وانا مابغى شي بعد ماخذ ورقتي باخذ كل حقوقي واخواني باعطيهم كامل الامر
ودخلت البيت دخلت وهو مصدوم لانه نزل يلحقني وقفلت وهو واقف عند باب البيت
دخلت البيت والكل ينتظرني كانهم عارفين سلمت عليهم وانا مضيعه هذا مين وهذا مين واهلي سالوني فيك شي
مو بالعااده اجيب اغراضي بهالكميه
اهلي طلعوا يتسوقوا وانا جلست ارتاح ولسى ماعلمتهم
مو عارفه وش راح اسوي او وش راح يصير
ابدا ماني عارفه ضاااااايعه
باترك الامر لله وهو يتصرف كيفما يشاء