اول شى انا كنت مترددة لفتح هالموضوع وخاصا اني لن اقبل اني اخسر اي عضو بالمنتدى كائن كان
الشى الثاني انا مايهمني زوجه اولى ولا عاشرة انا مع الحق وكم موضوع فتح للتعدد وكنت ادافع عن الاولى اذا كانت ع حق
ثالث شى اختاااه شكلك ماتعرفين مواضيعي مع زوجي لذلك حكمتي من خلال الموضوع الحالي
وافضل لي يردون علي الناس لي يعرفوني حق المعرف عشان لا يتشربك الموضوع واقوم بغلقه
مابي مشاكل ولا ابي اخسر احد
ملكله الاحساس
كل كلامك ع العين والراس بس سالفة انا لي شاركتها بزوجها وحبيبها تراني ما جيت قلعتها بمقلاع من بيته وطيرته
هو لي دورني وكان يدور الزواج من الثانية دواره وتعب عشان يتزوجني وياما نزلت دمعته عشاني
انا ماشاركت احد...........................
ليش تحرضه على بناتي هل انا عمري حرضته؟
هل من الاخلاق انها تحاول تبعده عن بناتي واخرتها جايه تبارك لي
تبي زوجها تاخذه انا اتركه لها بمحض ارادتي لكن ماعمري اذكر اني حرضته ع عياله لانه مو من اخلاقي ولا تربيتي
بالعكس كنت احب عياله واطلب منه يهتم باحد اولاده لانه مريض عشان لا يحس بالنقص
انا اخاف ربي وكنت حريصه ع ان يكون تواصل بين الاخوه وحاولت افتج هالباب بس انا شرهتي مو عليه عليه هو لي ماعرف اشلون يرد عليها وتقوله خلها تدبر حالها يعني هي زوجها عندها ويوصلها لاي مكان وانا ادبر حالي مع بناتي اهم شى
وزوجي جلف كان بيتزوج عليها مهما سوت وماصار بينهم هالكلام الا بعد ماتزوجني وبعظمه لسانه قالي تغيرت للافضل
انا والله محور حديثي مو ضرتي هي ممكن تقوله اي شى تبغاه هي حره
لكن قضيتي هو ليش مايقولي كلام حلو ولا يعطيني حقوقي
وبعدين يا مكله تقولي ماعرف للرمنسيه وش قصد الرومنسيه عندك بالله ؟
ابي استفيد من خبرة رومنسيتك
اذا شموع بيتي كلها ذابت قبل لا اشعلها وهو لا يهتم
اذا ع حجز فندق اخذته تركيا ع حسابي وبافخم فندق 7 نجوم
هذا ماتمر فيه شى
لبست لبست له اغلى وافم لس مهتمه بنفسي اولا لنفسي قبله
شايله مصاريفي عنه
مخففه عنه عبئئ الحياه وهذه اكبر غلطتي

المرجو رجائي الخاص لا تصير حساسيه وكل زوجه اولى تدخل وتسمعني كلام ماله داعي انا والله مابي اخسركم ابد
انتم تاج راسي وانا تعلم منكم واسمع نصايحكم بس بهدوء وبدون تحامل

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...