طعن قلبي سلامت قلبك يالغلا
عساه بعدوينك ولي مايحبونك

شوفي قلبي انا تبين الجد تعبت ولا ابي اجذبه لي خلاص ياقلبي زي ماتقولي وصلت لمرحله معه ماعاد يهمني شي
بعد الولاده كنت معه قمه بالذوق واذا صحيت صباح الخير يابو جوري وفديتك ومن هالكلام واتفقنا نفتح صفحة بيضاء
وتوسلت له لا يحرق اعصابي عشان لا اثر ع بناتي ويسنى الطلاق ويطلقه للابد
مافي فايده اول ماجيت معه جده طبق النظام وانا غايبه سنه يختي يجلس شوي مع بناته الجدد يعطينا وقت يخلينني اتعود ع نمط البيت من جديد الصراحه ماقدرني وعمره ماقدرني ولا حسب لي حساب
صدقيني لا انتقادي له ولا طيبتي ولا اي شى صار ينفع معه
قلبه مو لي وهو اصلا كشخصيه انا وهو متباعدين تماما مافي انسجام
اوقات كنا نسافر سوا وننبسط وانا من النوع المزوح احب الضحك واحب سعه الصدر في حدود
الحين السفر معه ممل وكل شى اصبح ممل
عمره ماطلبني لفراش الزوجيه كاي زوج يحسس زوجته بالامان والرغبه فيها كني رجال معه
والان ماصرت اتهم بنفسي ولا اتمكيج لانه ماعاد صار يهمني لاهيه مع البنات ان شاء الله بس احصل لي وقت انام
لو هو يستاهل الغنج كان سويت له بس كل تجاربي معه باءت بالفشل والحين كلي احباط
صرت احس اي شى معه بدون جدوى
زوجه الاولى طبعا هي من نفس قبيلته وتركيبتهم وحدة يمكن هي تعرفه وتفهمه احسن مني وانا ادري انها مضغوطه ومتحمله شى فوق طاقتها لكنها صابرة على امل ترجعه لها للابد
لو اطبق صبر زوجته يطق براسي عرق لاني مدري هي وش اهدافها ولاي مدى هي تحبه او ربما لظروف خارجه عن ارادتها صابره كان الله بعون الجميع
قلبي انا مابي احط نفسي بتنافس واحاول اكسب واسوي واعمل لا لا تعبت
وفوق هذا مايستاهل لو تعامله معي زين كان فرشت ارضه ورد
انا احبطت يا قلبي من كل شى اتجاهه
نفسي بيوم يلمس يدي او يمسكني مع يدي ويقولي تعالي نروح مكان او احتاج لك
هو مو محتاجني هو محتاج انه يكون زوج معدد ظالم يعيش يوم هنا ويوم هناك كنوع من التغير
اطلق ماعندي الان بناتي مابي اتكدر عشان لا يذوقون الحرمان لي ذقته وانا صغيره
ابي شخياتهم قويه ولا يحتاجون لشي اسمه رجل يكون شى ثاوي بحياتهم
اكتب لكم وبنتي عندي اطالع فيها والله تنسيني حرقه الحرمان وكني مانحرمت بحياتي قط
الحمدلله ع النعمه ربي من علي بكرمه رغم تقصيري وش ابي بواحد بيدوخني حتى عن القبله
جهدي الجسدي والمعنوي كله ببناتي المفروض يدعمني والحمدلله ماعندي شغاله واسوي شغل البيت واهتم ببناتي وتؤم مب سهل تربيتهم لحالي وربي ميسر لي اموري رضاعتهم بالوقت شورهم بالوقت ومتعودين ع نظام انا احبه
احتاج دعم ماحتاح اضيع مجهودي في شى اخر وليته كان يستاهل

انا بصراحه فرقت من تهديده يايطلقني ويرتاح ويرجع لزوجته لي يقولها انتي حرمه نادره الوجود
وانا كان يقولي مو مثقفة وعقلها صغير يوم كانت ترجه بالاتصالات وهو عندي
من ضمن الاشياء لي اوعجتني بالمحادثه هي عيب وسامحوني بقولها بس عشان اعلمكم انه ظالم
قالها انا جايك مخزن يبي يبين لها انه ممالمسني عشان تنبسط

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...