رد : لنكن بجانبها بسبب تكرار مشاكل زوجها مستجدات في الرد405
هلا روح
طبعا عارفة أني سبق وكنت مطلقة وعارفة زين تكاليف المحامين
ومع أني كنت بدون عمل
ولكن علشان أضمن موضوع حضانتي جمعت الفلس على الفلس مع رفضي في الغالب اني اخذ فلوس من أهلي
ووفرت فلوس استشارة
500 مو كثيرة في حال انت تبين تضمنين حقك وتعرفين خطواتك صح أو لا ؟
مهم جدا تعرفي أن الشروط اللي بتحطينها راح تكون لها قيمة قانونية في حال خالفها زوجك
ولو هو عارف فعلا ان الشروط راح تتحقق وقبلها على نفسه
معناها هو جاد جدا في عودته لك ويبي فرصة أخيرة حقيقية بالتالي يستحقها
وانت بنفسج قلتي كلام المصلح والمستشار بالاخير كله طلع فاشوش ومافي شي تنفذ
يعني لازم تتأكدين اللي بتسوينه له قيمة ولا لا ؟
لأني اعذريني
مهما قال زوجك من كلام عاطفي وانه يساومك لاجل ترجعين
ولكن اختياره انه يساومك ب 100 الف والأولاد ماحسها مساومة بريئة
انما شعرت انه في حال اصرارك يعني انها راح تتحول لحقيقة
وممكن يساومك على الفلوس بكل بجاحة
.
.
.
في كلامي عن علاقتكم
اللي قصدته بكلامي عن علاقتكم علشان أكون دقيقة أكثر
هو أنك ساهمت بشكل ما في تعميق الصفات السلبية اللي في زوجك
لا تزعلين روح بس والله كلامي عن حواراتكم السابقة مو عن مشكلتك الحالية
كنت لما اقرأ كيف تفهمينه الامور عن الدين والحياة والفلوس والطموح
وتشرحين له حبة حبة
أحس ان عقلي تلقائي يتحول لعقل طفل واتعب 
أسلوبك معاه اعترفي انه كان خطأ
علشان لو ناوية ترجعين له تكونين عارفة الخلل اللي كان من جهتك
لابد تتعاملي معاه كشخص راشد جدا جدا جدا ..
..
..
أحترم قرارك وأدعمك فيه مادام عارفة بالضبط ايش قاعدة تسوين
لو اخترتي تكملي معاه اوكي ولكن تحملي كل النتائج اللي ممكن تحصل من اخلافه للوعود
ولو اخترتي تنفصلي ايضا انت شفت جزء من حياة المطلقات اللي بمثل وضعك
فالخيارات أمامك ووحدك تقدرين تقررين ماهو الأنسب لك ولاولادك ..
.
.
.
اللي يقول مشغلته خادم لها
والله انها ماقصرت معاه وساعدته وبالاساس واجب عليه يخدمها هي وأولادها من روحات وجيات بالذات في المملكة ويصرف عليهم
ومادام الحياة عنده هو مصالح !
فلابد هي تجابهه بمثل النظرة علشان تقدر تستمر معاه
لانه استمرارها بالنظرة العاطفية مع شخص مادي بالدرجة الاولى ماراح يفيدها بشي
سوى التحطيم وانكسار القلب
.
.
.
والسموحة
__________________
الحمدلله الذي بنعمته تتم الصالحات
التعديل الأخير تم بواسطة فاكهة الشتاء ; 19-06-2014 الساعة 12:15 AM