انتي صادقه يا روح؟؟ من جدك تتكلمي؟
مصدقه انه حينفذ شيء ؟ هو مارح ينفذ شيء,, وانتي مارح تقدري تروحي للمحكمه وتطلبي الطلاق لما يخل بالشروط لسبب بسيط جدا وهو
رح يلبسك الطاقيه / لانه يعــــــــــــرفلــــــك ويعــــــرف كيـــــــف يلعـــــــــب عليــــــك
بمعنى اخر حيقولك صكك هذا بليه واشربي مويته
وانتي رح تركضي تحاولي ترضيه
نفس السيناريو ونفس الموال كل مره حيتكرر ويتكرر ويتكرر

بعد الاحداث الاخيره وبعد كل اللي تعرضتيله من مضايقات من اشخاص قذره وردات فعلك وتجاوبك معاه ولينك وخوفك عليه واللي ظهرت امامه بطريقه غير مباشره،، اقولك خلاص لا تطلبي الطلاق ولا شيء لملمي الموضوع ولكن عشان تحفظي ماء وجهك امامه وامام اخوتك وعشان لا تكوني مره سهله كملي قصة الموافقه على الصك ولمو الشمل واتحملي ايش ما يجيك من وراه،، على الاقل امام الناس تظهري بصورة متزوجه في مجتمع لا يخاف الله في المراه الضعيفه ويصير الاولاد امام الناس لهم اب
وتحملي واعتبريه ابتلاء ابتليتي بيه ولا تتخيلي انه ممكن يتغير لانه المثل يقول ( القطو العود ما ينتربى) ولكن ندعو له بالهدايه مافي شيء مستحيل على الله
وخلاص زيك زي اغلب الحريم المغلوبات على امرهم وتمشي الحياه لعل الله يحدث بعد ذلك امرا

ولكن رجاء لما ترجعو لا تحملي كفايه خلاص وانتبهي على نفسك مره كويس من الامراض خلي عينك مفتحه على نفسك وعلى اولادك..


اعرف ردي مره صريح يارب ما يزعلك بس صراحه بعد البهدله اللي مريتي فيها وكل واحد يبغى ياكل هبره منك سواء سواقين او موظفين محكمه او حق شيخ الهيئه ومحد تخيل في لحظه انه ممكن تكون اخته في يوم من الايام في نفس موقفك يا اسفي على مجتمعي وهذا ونحنا نرضع الدين مع الحليب من صغرنا وكذا تصرفاتنا واخلاقياتنا حسبنا الله ونعم الوكيل لا يا بنت الحلال خلي رجل بالصوره معاكي وان كان خيال مآته لك ولكن امام الناس يحسبوه رجال وهذا يكفي حاليا
وانا اقولك هو ممكن يتعدل معاك سنه بالكثير ومن بعدها الله اعلم ايش ممكن يحصل خلاص انتي خذي كل يوم بيومه ولا نسبق الاحداث وما تدري زي ما قلتلك لعل الله يحدث بعد ذلك امرا.. بس برضه لازم تعرفي يجوز انك تسامحيه على غلطة الزنا او لا؟ لازم تسالي شيخ فيها وياليت تسالي احد معروف او ثقه مو كل من ربى لحيه اقصر ثوب ناخذ منه فتوى، اتصلي على مركز الافتاء واساليهم عشان لا يكون عليك ذنب ..

__________________