اقتباس:
المشاركة الأصلية كتبت بواسطة nununu
حماتي في بداية زواجي كانت تقول انا ما قد عمري فتشت جيبه ولا تليفونه ولا دورت من وراه وزوجها ما شاء الله عليه واضح انه رجل مستقيم وتمدح في نفسها انها ما عمرها فتشت ولا ليها في سوالف التفتيش.....بعد مرور 4 سنوات من زواجي اكتشف خيانة زوجها من طلعات وتلفونات وغيره.... الحين صارت ام التفتيش تفتش تليفونه ، جيوبه، سيارته حتى حاطتله جهاز مراقبه في سيارته.......الزبده من الموضوع لحد يقول انا افضل عدم التفتيش ووووو من هالكلام لان لو طحتي في موقف واكتشفتي انه زوجك يخونك باي شكل من الاشكال فطرة الانسان وهي الفضول بتخليكي تدورين ايش الاسباب وهل هو مستمر .....الوحده تتخيل نفسها مثاليه الى ان يقع زوجها في الخيانه وقتها تشوف انه عدم التفتيش شي شبه مستحيل
|
مثل بالضبط الي يقول المغفره عند المقدره!
عندما يخطأ أحدهم .. نغفر ونسامح ونتجاوز وننسى وندعو له في ظهر الغيب ولا نرد عليه بالمثل الخ الخ الخ...
ولكن هل سهل التطبيق؟؟ هل سهل أن نغفر لكل من أخطأ؟
مثلاً وحده انشرت كلام في شرفج عند الكل ..؟! هل سهل تسامحينها؟؟
وحده ضربت اولادج أو عملت فيهم شي مخلّ بالآداب !! هل سهل تسامحينها؟
طبعاً لا .. لذلك كان الدعاء (اللهم اسلل سخيمة قلبي)
القلوب تعمى ترآ .. والطبع يغلب العقل!
وأحياناً المواقف الصعبه الي نطيح فيها تظهر أسوأ مافينا .. وأحيانا لما يتكلم الإنسان ويتفلسف ويقول أنا كذا وكذا وطول عمري كذا.. ربي يبليه بمصيبه تحسسه أنه عاجز فعلاً مهما بلغ من العلم والمعرفه ومهما كان حسن التصرف ونبيه!!
أنا شفت أن الحل في تجنب الصراع بينج وبين زوجج هو عدم التفتيش
قد يكون حلاً صعباً .. وقد يكون مثالياً جداً .. لكن هل يعني أنه خطأ؟!
أنا ماكتبت هالشيّ إلا لأنه مسّني وضرّني .. سواء حدث لي شخصياً أو لمن حولي.. طول عمرنا نسمع عن خيانات تأذي مسامعنا وعيشتنا في قلق وشك!!
أنا ذبحت زوجي بالشك والغيره لدرجة خلتني أوقف وأفكر وأتعلم ..! يمكن المجتمع حولي علمني أسحب الثقه من أي رجل..... من هول ماسمعت
ولكن تعبت جداً .. ما زادني إلا هم وشقى وتعبته معاي!!
ليش؟
لقيت هالحل يريّحني .. قبل مايكون مثالي وبعيد عن المنال !
بقول لكم شي على فكره ترآ الزنا بحد ذاته كبير.. و في حال أنه متزوج أكبر وأعظم ومن الكبائر ! غير أن له تبعات أخرى مثل تدمير الأسر وفي بعض الحالات أستغلال البنات والضحك عليهم و تشتيت الأبناء!!
ترآ مو شيّ بسيط عشان يستهين فيه الرجل ويقول عنه نزوه!
وبينه وبين زوجته رب العالمين.. الي مايخاف من ربّه بيخاف منج؟
والله أني أعرف وحده زوجها وسيم ماشاء الله وهي عاديه فيها بعض الجمال ولكن مشكلتها ماتعرف تتعدل وتتزين.. وهو بصراحه يحب الزين!
أتذكر شلون غيّرته للأبد .. صار إنسان قمه بصراحه وربي سخره لها.. تكون بالدعاء ولأني أبي له الخير في الدنيا والآخره ما ابيه يعصي عشان مايروح النار.
مب عشانها هيّ!!
لما يكون هدفنا لله يا حبيبتي ربي بيعيننا عليه ولكن اذا لامور دنيويه مثل الغيره والتملك وعزه النفس فأكيد ربي راح يبلينا فيه عشان نكبر وننضج وعقولنا تصير أفهم.. وتتضح لنا حكمة الله في الأمور.
ياهلا ويامسهلا