الله يسعدك

يا خاله يا حبيبتي انتي شايفه هالرجال تتزوج عشان سبب صح يعني ؟؟؟ كلهم صابهم مرض اسمه زوجه ثانية .. الله يعين بس
المهم انه ما يروح للحرام حبيبتي عشان ربنا يبارك لكم بعيالكم ويوفقكم مع بعض ومع أهلكم .

لكن برضه انتي ما تخسري حقوقك والحاجة اللي تزعلك مفروض هو يبعد عنها
اذا صدق كنسل مع بنت خاله واذا صدق بيعطيكي اللي تبين فليش لأ ؟؟ المهم انه تضمني ما يرجع يغير كلامه

واذا ساره باركت له فهذا يعني انه ما يهمها كزوج وما تغار عليه ويهمها تستفر وتدرس أكثر من زوجها اللي تركته وهي عارفه أنه بحاجتها لأنك تعبانه .
على أي حال لا تناقشيه فيها وركزي على موضوعكم عشان تطلعي بنتيجة


لاحظي لجونه أنه الموضوع تغير وصرتوا تتكلموا بحاجة غير اتفاقكم وحقوقك ....
ومرات كثيرة أكون أناقش أحد ولما ينحشر بزاوية يصير يحاول يغير الموضوع فيتكلم بحاجة هو يعرف انها تستفزني فنصير نتكلموا فيها وننسى موضوعنا الأساسي
حاولي ما توقعي بهذا المطب ... تراى النقاش صعب وكثير ناس توقع بهذا المطب


ولا حبيبتي لا تسكتي واطلبي حقك ... أصلا حتى خالد يحب تكوني قوية عشان تقدري تساعدي عيالكم ..

لأنه يحبك لجونه ولأنه يلاحظك بعيده عنه وما يحس بحبك له يصير يفكر أنه بقلبك أحد غيره .. ولما يسأل يكون حاب يعرف اذا شكه بمحله وللا لأ ... لما تعرفي هدفه وأسبابه أظن أنك بالمرات الجايه بتجاوبيه الجواب الصح اللي يبرد قلبه ويطيب خاطره ويخليه يرتاح ويصير طيب معاج بدال ما تجاوبيه جواب يطير عقله ويصير هو كمان بدو ينتقم منك ..
عشان هيك يبدأ الكلام بينكم زين وحلو وينتهي بمشكله وكل واحد يعاند بالثاني

والحمد لله يا لجونه أنه عمك مهتم فيك ومسوي لج خاطر ومزعل ولده عشانج فلا تخسريه ولا تخسري فرصتك الحين.
أنا واثقة أنك قوية وانك ذكية وانك راح تطلعي بنتيجة ... نتيجة طيبة حتى لو ما كانت كل حاجة تبغيها 100% لكن على الأقل خطوة لقدام

انتي على اي حال أول حاجة انتبهي لأكلك وصحتك وأدويتك عشان تكوني مصحصة وتقدري تفكري كويس
وبعدها فكري واحسبي وضعك لو لا سمح الله تطلقتي ... وقارني بوضعك لو تميتي ..


موضوع انك تحملي مرة ثانية أظن خالد وأهلك وانتي تعلمتوا الدرس الحين وبتترتب الأمور بشكل أفضل بحيث ما تحملي لمدة طويلة ... هذا موضوع انسيه ما يحتاج تفكري أو تتكلمي فيه معاهم

واستخيري أهم حاجة تستخيري .. وانا متأكدة ربنا بييسر لك الخير ان شاء الله

__________________