الله يفرج عنك همك ويخلي لك طفلتك ومايحرمك منها ،،،
من رؤيتي لقصتك عندك خيارين ،، الرجوع للحياة السابقة ولا تتوقعي زوجك بيرجع مثل قبل دام انه بيد والدته ولا تتوقعي انه بيتغير ويكون افضل! ..
الخيار الثاني ،، بنتك ،، حمايتك لها وتربيتها بافضل طريقة وابعادها عن هالتربية اللي ممكن تكبر معقده منها! بسبب السيطرة التامة للجده ، الوالدين ماعندهم سيجرة حتى بامورهم الخاصة جداا جداا واللي مو من الصحيح احد يدري عنها ! ..

موضوع الانفصال والبقاء بيدك ،، وانتي احسبيها هل تبغين بنتك تعيش وتكبر بوسط هالعائلة وهالتربية ؟؟ هل انتي مستعدة تصبرين على افعال زوجك ومواصلة ام زوجك التدخل التااام والكامل لحياتك حتى الخاصة فيها ؟! ..

هل حبك لزوجك راح يصبرك حتى على وقع الظلم على ابنتك وهي للحين رضيعه! فما بالك لما تكبر ؟؟ .. انا ما احرضك على الطلاق ولكن وضعت نفسي مكانك فكان رد فعلي هو بنتي اولا! انا تعبت فيها 9 شهور وابسط حقوقها هي الرضاعه الطبيعية دام ان مافي مشكلة بالارضاع ، انا اللي حملت فيها وولدت ومن حقي انا اللي اقرر كل شي حولها ومحد له ذره حق بانه يامرني بشي خصوصا الا اذا كان من باب النصح فلي الاختيار اتقبل او لا ..

خليه يفهم او خليهم يفهمون انك واثقة من نفسك وانك قادرة توقفي بوجههم بالمحاكم ،، فاذا ارادوا الاصلاح فلازم يسمعون شروطك واولها السكن الانفرادي واما اذا حاطين ببالهم فقط تطفيش وحرق قلبك على بنتك فراح تشوفين اصرارهم وعدم ااهتمامهم برجوعك من عدمه!

الله يبرد قلبك ويبعد عنك وعن بنتك كل شررر وينولك مرادك و ينتقم من كل ظالم