يارب فرج كرب كل اللي دعو لنا
يارب ازح همومهم واسعد بالفرح قلوبهم
عسى الله مايوريكم مكروه ولاشر

لولا الله ثم وقوفكم معي يمديني رحت فيها
اليومين اللي راحو كنت معاها بالمستشفى في قسم الباطنة
لانها مثل ماقلت لكم قبل ماتاكل وداخت اكثر من مرة وبالتحاليل طلع عندها فقر دم شديد واصل 5ونص
والدكتورة ساترة على موضوع حملها بسبب توسلات اختي لها
لكن تقول نحاول نرفع لك الدم ونضبط الالتهابات على الاقل

امي تخاصمها وجايبة لها انواع الخضار وتترجاها تاكل .. وابوي طالع نازل بالعصيرات
حالتهم تقطع القلب
يااخوان لو اننا عائلة مشتتة ولو ان اهلي مقصرين معنا بشي .. بقول يمكن هذا السبب
لكن حنا عائلة جدا متماسكة .. امي وابوي حازمين لكن بنفس الوقت رحيمين وحنونين وكريمين معنا لابعد حد
لدرجة انهم كافلين يتامى كثير واعمالهم الخيرية كثيرة ومشهود لهم .. كيف بيستقبلون خبر كذا .. ولو صار لهم شي لاسمح الله !
معاملة اهلي لها تقتلها الف مرة
تبوس راس ورجلين امي وتبكي
يوم طلعت من المستشفى طبخت السحور وجالسة طول اليوم تحت رجلين ابوي وامي
وتردد كل شوي بخدمهم في ايامي الاخيرة
حسيتها تهدد بانتحار ولاشي كذا
قاعدة اقولها ارتكبتي ذنب عظيم فلا تجرين لنفسك ذنوب اعظم
وقعتي في زنا فانتبهي تقطعي عنك رحمة الله بقتل الطفل او قتل نفسك
عجزت كيف اكلمها واتعامل معاها
بداخلي حقد كبير تجاهها على اللي سوته ادرجة مب قادرة اناظر فيها واشمئز منها
وبنفس الوقت احزن
صرت اجرحها بالكلام كثير غصبن عني واخاف انها تنتحر بسببي
حاولت بكل الطرق اكنسل السفر لكن مافي فايدة
بعد بكرا السفر .. والطريق مجهول
شفت صورة الولد .. مدري شقولكم .. بزر حتى شنبه خفيف و بعده ماخط
قالت لي انها تعرفه من يوم ماكانت ثاني متوسط وهو سادس ابتدائي واستمرت علاقتهم لحد ماكبرو وبلغو وطاحو بالحرام
حسبي الله ونعم الوكيل
اخته اكدت لي برسالة ان امهم ماتدري غير انه غلط معها بس ماتدري بموضوع الحمل وتقولي بنخبرها بطريقتنا
الولد حول على حسابها 30 الف حق الفحوصات والكشفيات هناك
عجزت كثير وفعلا لازم اهلي يدرون
لكن بخبرهم وانا برا وبعيدة عنهم بالتدريج
نصايحكم ومقترحاتكم كلها باخذها في عين الاعتبار خصوصا المستشار القانوني هناك لان فعلا مادري كيف نظام البلد
مستحيل افكر بقتل الطفل اعوذ بالله او حتى اسمح لها بهالشي بس ودي اعرف المسكين وش بيكون مصيره ولمين نسبه لو ولدته
وباذن الله برجع اتواصل اول مااوصل هناك