واجه زوجتك أخي ولا تقبل منها انكار .. وتوعدها وهددها حتى تخاف وتحسب حساب غضبك ... وقول لها أنك تعرف ان الأطفال يكونوا مزعجين ومتفهم أنها ممكن تتضايق من بعض تصرفات البنت لكن مفروض أنها تمسك نفسها وتتحكم بأعصابها وإلا فشو الفرق بينها وبين الطفلة ؟؟؟ وقول لها بأنه الأم مو بس اللي تولد إنما أيضا اللي تربي وياما سمعنا عن ولاء وحب أبناء لأمهم اللي ما ولدتهم لكن ربتهم وكانت حنونه معاهم وبكره البنت بتكبر وبتكون سند لك ولأبنائك وبناتك اللي هم اخوانها لو أحسنتي لها .

استمرارك بالسكوت يخليها تفهم انه تصرفها مقبول وقادرة تخفيه عنك وبالتالي بتستمر فيه ويمكن تزيد

وبالمقابل أظهر رضاك وكافئها بهدية لما تشوف منها تصرف جيد مع البنت مهما كان تصرف صغير .

بين فترة وفترة ارجع فجأة من الدوام على البيت خلها تحس انها مراقبة وبأنك ممكن تدخل عليها بأي وقت وتشوف تصرفها .

الأطفال بهذا العمر تكون حركتهم كثيرة ومزعجين .. ومع الحمل ما تحملتها ... حاول لما ترجع من عملك تاخذهم وتطلعهم حتى يغيروا جو البيت والبنت تطلع طاقاتها .

اشتري لزوجتك محاضرات عن اليتيم وعن معاملة الطفل وعن جزاء الاحسان لهم وعظم إثم الاساءة لهم . ساعدها وحثها على تقوية ايمانها ...لو انه ايمانها واسلامها قوى ما كانت تجرأت على طفلة

الله يعينك ويصبرك .

__________________