المشاركة الأصلية كتبت بواسطة مهره

زين أبوها..

حلو إن نيتج طيبة .. ونفسج صافية .. وقلبج أبيض وتبين الخير.

لكن ما أنصحج تعتمدين على نيتج .. ولا إنج تعتمدين على وضع أمج الله يبارك لج في عمرها.

الألم اللي تحس فيه الزوجة الأولى ماله علاقة بالزوجة الثانية ولا بطيبتها ولا بحسن أخلاقها .. ولا حتى بالزوج ومدى احتوائهح لها وعدله معاها ...... يمكن هالأمور تخفف على البعض .. لكن مب دايماً لأن المبدأ نفسه موجع .. ومب شي هين ولا قليل عند الزوجة إن زوجها يقرر ياخذ غيرها بعد ما كانت هي الوحيدة اللي في حياته.

بعض الأزواج يعتقد أنه يوم يقول للزوجة الأولى إن ما فيها عيب ولا شاف منها تقصير إنه جذي يهون عليها الموضوع .. لكن هذا مب صحيح دايماً .. بالعكس ممكن يزيد من ألمها أكثر.

النقطة الثانية .. إنتي أصغر من زوجج ب 15 سنة .. وغالباً أصغر من زوجته بكثير .. وهذي جزئية ممكن تزيد ألمها وتخليها تتحسس تجاهج وتجاه زواج زوجها أكثر.

مسألة سكنكما في نفس البيت .. لا أدري هل يمكن أن توحي بأنها متقبلة الموضوع أم لا .. وبالتالي ما تقدرين تعتمدين عليها تماماً في محاولة مد جسور الوصال معاها.

هذا اللي في بالي حالياً.

موفقة حبيبتي.