زوجك في موضع شك ولكن لو فعلا طلع كل الي في بالك صح وكل هالامور من زوجك وش بتسوين
بتطلقينه ولابتطلبين الطلاق ولا ايش مثلا ؟
ممكن زوجك كان مدمن هالامور وبعدها حاول يتركها او قاعد يحاول والدليل انك تقولين انه ملتزم ويخاف الله
طيب اذا الله سبحانه وتعالى يقول انه يغفر كل شيء الا ان يشرك به .. ماتغفرين انتي لزوجك وتساعدينه عشان يستقيم
زوجك لابد من سبب يخليه يرجع للانحراف ويمكن انتي واثقة في نفسك لكن فيه تقصير يحسه هو ماقال لك بالتالي يرجع للغلط والحرام او يمكن فيه علاقة سوء قديمة تعيده لماضي كان فيه
ويمكن كل هالموضوع موال من ابليس في راسك

بالنسبة لموضوع التجسس طبعا هالموضوع معقد شوي الكلام فيه .. مابي اقول لك مثل الي قبلي انتي غلطتي فلا تتجسسين على زوجك واتركيه .. انا اقول بالعكس انتي سويتي شيء صح وعرفتي شيء عن زوجك كان يمكن ماتعرفيه او ماسويتي كذا ومستحيل هو يقول لك عنه .. لكن المهم الحين هو انك ماتحولين الصح الي سويتيه الى غلط بمجرد الاستمرار في التجسس والمراقبة بدون تاكد وعلاج للمشكلة ان كانت موجودة ..
الان عليك ان تفكري بفكرة تخليكي تواجهين زوجك في هالمشكلة عشان تتناقشون فيها وبصراحة عشان تعرفين الصح من الغلط وعشان يروح الشك والقلق من قلبك لانك لو استمريتي تراقبيمه بس راح تتعبين وراح تتعبين نفسك اكثر لذلك بتجلسي تصارعي نفسك على الموضوع فالافضل لك هو المصارحة والكلام بعقلانيه وتقربي من زوجك وتعرفين ليش هو ماشي بهالدرب الغلط ..
عارف انها صدمه عليك لكن احيانا لابد من بعض الالم حتى يتم الشفاء .