طبيب الأمراض الداخلية والعصبية
تاريخ التسجيل: Jun 2014
المشاركات: 534
رد : تغير زوجي الغريب
لاحول ولاقوة الا بالله .. فعلا كل ذي نعمة محسود !
ولكم سنة على هذا الحال ؟ وينك طول هالسنة طيب ؟
توك تحسين في هالرجل مسكين ؟
انا اشوف ان زوجك ممكن يكون تحت تأثير امرين
الاول .. انه انصدم منك يوم تصادمتي معاه وغضبتي وبلغتي اهلك وكبرتي الموضوع والكلام الجارح الي جاه ممكن يكون تحت تأثيره وسبب له جرح عميق يحتاج من يبريه وللاسف انك متأخرة شوي وتحتاجين تسرعين تلحقين زوجك ..
الثاني .. زوجك ربما يكون مديون وتحت هم الدين .. والدين معروف انه هم بالليل وغم بالنهار .. فربما انه محتاج فلوس او محتاج مساعدة ماديه عشان يخرج من القرض والتمويل الي عليه والالتزامات الي عليه ..
في كل الحالات ومهما كتب الاعضاء هنا مااعتقد احد ممكن يساعدك اكثر من نفسك وانك الحين تبدين تفوقين من الغيبوبة الي كنتي فيها لمدة سنة .. طبعا ممكن تكوني حاولتي خلال السنة لكن المفروض تكوني وصلتي للسبب ووصلتي لحل للمشكلة .. اجلسي مع زوجك لوحدكم واحذري تدخلين احد بينكم وافتحي معاه الموضوع بالتدريج من وقت ماتغير وانتي ادرى بزوجك شوفي وش فيه وليش متغير
لاتكوني عفشة وتجين تسالينه وش فيك متغير علي ؟
زوجك مجروح منك والدليل انه مو متقبل هديتك حتى .. لازم تصلحي الي كسرتيه وترجعي زوجك قبل تخسرينه للابد هذا اذا كان فعلا مابديتي تخسرينه وانتي مو حاسه ..
وجودك الان بالقرب من زوجك ومعرفة السبب وراء تغيره اهم من وجودك مع اختك او اي احد من اهلك ..
ارجعي لعقلك وشوفي زوجك وش فيه قبل لاتخسرينه ..