خاله بيتا
انا شكلي تعودت على البهذله
واللي استجد معي انو صارت بهذله عند الناس
هذا اللي فجر الخلاف وخلاني اترك البيت
خصوصا وهو رافض يصلح نفسه
او عالاقل ياخذ مهدئات تخفف من نوبات الغضب
هو معتبر وضعه طبيعي وكل الرجال كذا حسب كلامه
وهذا معقد اصلاحه


من الله في خير
واذا نسوا بكرا
بيرجع بعد كم شهر لنفس التصرف
لانه ثاني مره يعمل هالحركه المخجله
وانا لاول مره اترك البيت لهذا السبب


جمانه
نعم مدخن وبشراهه
لكن المشكله حصلت بعد ما افطر ودخن
ماكان صايم وقتها


شاي اسود
رجل عمره 35 من الصعب ان يتغير
هو للاسف تربى غلط وعلى عدم احترام الدين واهله
وهالامور مابينت الا مع العشره وبعد ما جت بنتي
مره قلت له: كنت ممتاز وخلوق جدا في اول سنه
لكن للاسف كان يمثل ويتصنع
زي مايفعل عند الناس اللي ينغشون فيهم
ويحاول يظهر نفسه برا البيت انه مؤدب ولبق


ريم نواف
كلامك اوجعني يمكن لانه صحيح
انا حساسه وعاطفية ومو وجه بهذله
لاني فعلا هشه كثير من الداخل.. ودمعتي سهله
خاطري بالطلاق وخايفه جدا منه
والمشكله اذا قرأت قران واستغفرت.. حنيت لبيتي
واذا كنت لاهيه بتلفزيون والا نت.. كرهته هو وبيته
ما ادري هذا اشاره حتى ارجع والا لان فكري مشوش
ومالي رغبه بشي ابدا
لدرجه صايره انام 12 ساعه من الاكتئاب


سهاد راجي
كلامك صحيح 100 ٪
اختصرتي المشكله بسطرين
وانا فعلا لسى تعبانه ومحتاجه ارتاح



اخر مستجداتي
نزلت امس السوق وشريت اغراض احتاجها
رغم ان ابوي قال اللي تبينه خليه هو يجيبه من البيت
لكن رفضت.. ولا لي رغبه اتواصل مع هذا الرجل
اما جوالي فمحد اتصل عليه.. لا هو ولا امه
لان الموضوع صار بينه وبين ابوي
ولما فكرت اشتري لبس عيد غير اللي بالبيت
امي قالت لاتستعجلي لسى باقي عالعيد!
انا مو مهم.. بس بنتي افكر اخذ لها فستان
حتى تفرح واصورها زي باقي الاطفال
غير الفستان اللي في بيت ابوها
وشريت لها العاب جديده حتى تفرح
احاول ما اقصر معها بشي ابدا


موضوعي لازال معلق
دعواتكم