الله يفرجها عليكي اختي ويريح بالك
ومتل ما قال زوجك انو مفكر في رجال متلو صحيح في نسبة من الرجال وقت الغضب بيحكي كلام ما عليه جمرك وبيستغل نقطة الضعف ووقت تلاقيه هادئ بقلك انا قلت هيك لغيظك
وفي نساء وقت زوجها بيعصب شو ما قال اخر همها بتسمع من هون وبطنش من هون لانو صارت تعرف مسبقا انو بس يعصب تتوقع منو اي شي
وفي نساء حساسة كتير ومستحيل تتقبل هالشي وانتي اختي من النوع التاني الحساس وزوجك من النوع بيكون وديع لدرجة ما تتصوريها وقت يكون هادئ
بس وقت يعصب بصير مفترس ومستغل نقطة ضعفك وما رح يسيطر على حالو وقت الغضب الا اذا اتعالج وانتي فرجيتيه انو اذا خبر امو اخر همك ساعته بيعرف انو ما بيقدر يقهرك فيها بس مجرد ما رح تفرجيه ئديش بهمك صورتك قدام الناس ان كان هوي او غيرو بحالة الغضب بيستعمل هالطريقة لا اراديا
والله نصيحة يا اختي حاولي تخففي من حساسيتك تجاه صورتك قدام الناس ان كان مع زوجك او اي شخص لان الناس بتحكي وما بيرضيها شي ولو بتشوفي ناس عم تضحك بوجك هيي نفسها بتكون عم تحكي عليكي بغيابك وهيدا النوع موجود منها كتير بهالايام فكرمال هيك نفسك فقط لا غير وكلام الناس لابقدم ولا يأخر
بتمنالك تكون ايامك القادمة ايام رائعة وكلها سعادة وسرور
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه