رد : اعود لكم مع اصعب مشكله مريت فيها مع زوجي
اختي الحبيبة ..
بس حابة اعلق على جملة ( شخصيتك مايناسبها الطلاق ) ..
انا ماادري فية انسانة يناسبها وانسانة لا ..!
بتقولولي اية البعض شخصيتة قوية ومايهمها احد ، لا مهما كان الطلاق يكسر حتى لو بينت
الوحدة عكس ذلك هي من الداخل تحس بألم .. إما من ذكرى اليمة او من ظلم او من بذل جهد
للإصلاح بدون فايدة ...
انا اقول كل مطلقة تتألم لكن تختلف المدة في الوقت اللي تاخذة كل وحدة لتنسى وتمضي في حياتها ، ويختلف استسلامها للوضع من عدمة ..
لكن مافية شخصية تناسبها وشخصية لا هذا وضع حصل ولازم تعيشة مثل اي هم او كربة
لين الله يفرجها ....
نجي لكنافة .. المفروض حبيبتي هالفترة ماتفكرين بالناس قد ماتفكرين بنفسك وببنتك ..
الناس عمرهم ماخلوا احد وصديقيني الإنسان العاقل مايصدق اي كلام ينقال واللي يحبك بجد
مارح يرضي احد يتكلم عليك فلا يهمونك بتاتاً ..
انسي فكرة الطلاق حاليا ،، ابعديها عن بالك ولا تطلبينة الآن إلا بعد ماتستفذين كل الطرق ..
مو لأن شخصيتك مايناسبها الطلاق ع قولتهم ..لا!
ولا لأنك بتفقدين مملكتك وانك مارح تعيشين عند اهلك مثل مانتي عايشة ببيتك وماخذة راحتك ..
والله انك تنتقلين لمملكة امك وتعيشين بكرامة وراحة نفسية ..
افضل مية مرة من انك تتحكمين في بيتك ويدخل عليك واحد يسود عيشتك بدون سبب او لسبب تافهه ..!
لأنك بس تحبين بنتك وحابة تحافظين ع بيتك ولأنك انسانة وفية للعشرة اللي بينكم ..
اعتبري هالفترة نقاههة واذا تواصل مع الوالد اشترطي اللي قلتلك وبعد يعالج ..
وانك واثقة من تحسنة لو بس مسك الطريق الصح ..
الله يحفظلك بنتك ويرد زوجك رداً جميلاً .. ويسعدك ويريح بالك
__________________
سبحان الله وبحمدة .. عدد خلقة .. ورضا نفسة .. وزنة عرشة ..ومداد كلماتة 
التعديل الأخير تم بواسطة عذوبة المطر ; 12-07-2014 الساعة 07:34 PM