رد : الشاب في 19 طائش و البنت قابلة للزواج و عاقلة .....للنقاش
انا أأيد نقطه الاخت انلمتد ،،
البنت فعلا تكون انضج والسبب في فترة الحيض ووجوب الامور الشرعية والدينية عليها من سن صغير بعكس الولد! بالتالي طبيعي راح تكون انضج وافهم واعقل من قرينها من الجنس الاخر بسنها ..
قديما كانوا يتزوجون صغار سواء رجال ام نساء وعندنا من الامثال الكثيرة بالعائلة يعني مو بس البنت ،، الطرفين يعتبرون لدى المجمتع ناس واعية وتشد زواج وتقدر تفتح بيت واسرة من سن صغيرة ..
حاليا فيه بعض المجتمعات تواصل هالمنهج ولكن تتبعه بشكل اكب على البنت! ومثل ماقلتي اي مشكلة حطوا اللوم على المسكينة! اما الشاب كما يقول مجتمعي ( ناقل عيبه ) يعني شايل عيبه ومافي شي يعيبه !! ..
مجتمعات اخرى تطورت ،، صارت تفرض على البنت والولد اكمال دراستهم الجامعية وبعدها يفكرون بالزواج وللاسف صارت البنت هي اللي تصر تبغي تتزوج!
برأيي كل زمن وله اناس تتزامن معه فحاليا ، نحتاج لشاب وشابه واعيين دارسين فاهمين للحياة لان للاسف الاكثرية عنده الحياه الاسرية عبارة عن مسلسل تركي او فيلم تايتنك !،! وبعدها تصير المشاكل !
اعرف شابين وهم بعمر الزهوور الشاب بعمر 17 والبنت 18 ،، حاربوا عائلاتهم على قصه الزواج وحدث ما يخاف منه لرفض العائلتين هالزواج .. بالنهاية لمنع الفضيحة تم الزواج وللاسف بعد شهور اجهضت و اعتقد تفاجئوا انها مو الحياة اللي توقعوها ! تم الطلاق ووضع اللوم على البنت لانها ناضجه !