حبيبتي كم عمر ولدك ؟
انتي مقتنعه بالطلاق ؟ أكيد ماراح تندمي بعدين
بالنسبه لوضع ولدك ابوه طلقك انتي ما طلق الولد المفروض حتى بعد الطلاق يزور الولد ويسأل عنه وما تنقطع علاقته بالطفل ويقوم بواجبه كاب
لكن اذا كان هو أصلا مايبغى يتواصل مع الولد من قريب ولا من بعيد
انتي الله يعينك راح تكوني الام والأب
انا انفصلت عن زوجي وكان ولدي في الصف الاول بالصراحه أتواصل مع المدرسين ومع المرشد الطلابي ساعدوني كثير والله ما أنكر فضلهم وولدي اتعلق بالمرشد الطلابي وكان دايم يجلس معاه وهو نفس الشي كان يتابع الولد كأنه ولده ربي ما يضيع احد أبدا
حاولوا يتواصلون مع الأب لكن رافض فكنت انا الام والأب وكل شي بالنسبه لهم وخلاص تعودنا ان هذي حياتنا لدرجة ان ولدي اذا احد سأله عن ابوه يقول بابا مات !!! ان صدمت من كلامه وحاولت فيه ليش تقول لأصحابك كذا قال ليش هو فين ؟؟؟ مايسال عننا ولا نشوفه أبد
ونصيحه مني اذا زوجك ممكن ينصلح حاله حاولي تتنازلي اشوي عشان خاطر ولدك لازم يكون في موجه في البيت ورجال ينتبه للولد ويروح معاه ويطمن عليه

__________________
ريم نواف سابقا