تقبل الله طاعاتكم وبارك الله فيكم
هذا يومي الخامس ببيت اهلي وهو لم يتصل
وحتى لم يرسل مسج ولم يسأل فيني
وانا بدأت اتعايش اكثر مع حياتي الجديده
لكني متردده بأخذ بقيه اغراضي او انتظر
وامس نزلت السوق واشتريت ملابس لي ولابنتي

هو سبق وقال لي اخرجي بعبايتك
مالك حق في ولا حاجه شريتها لك
وانا سألت الشيخ وقال كل شي لي
الذهب والساعات وكل ملابسي وحقائبي
لانه استمتع بي مثل مايقول الشيخ
وسألته: ادبيا هل من حقي اخذها؟
قال: طبعا !

زوجي حتى جوالي بصعوبه سمح لي اخذه
لانه هو من اشتراه.. حسبي الله ونعم الوكيل

انا الان افكر بامور قد تبدو غريبة
بما فيها صوري الخاصه التي في كاميرته وجواله
احس بالقلق من بقاءها معه بعد الانفصال

وافكر بوضعي ببيت اهلي من ناحيه المساحة
فللاسف بالسعوديه لازم الوحده ترجع لبيت اهلها
لا سكن خاص ولا جناح ولا حتى ملحق
حتى تلفزيون ماعندي.. بالصاله بس
افكر بامور كثيره قد تبدو سخيفه
واشعر بالاحراج من قولها لاهلي

انا عشت مع هذا الرجل حوالي 3 سنين ونصف
حياتي كانت كلها تعب ومسؤوليات
واسعد اوقاتي كانت اذا طلع او راح يسهر برا
كنت افرح اذا ترك لي البيت
هذي كانت قمه سعادتي
يمكن لانه تعبني معه فوق اللازم
وحسبي الله ونعم الوكيل