المشاركة الأصلية كتبت بواسطة كنافة بالجبن

متفائله بالله
الله يسخر لك زوجك ويبارك لك بحياتك


ام زوجي اتصلت علي اليوم
تسلم وتسال عني وعن بنتي
وجلست تدعي انو تهدى النفوس
وتتعذر لولدها وتقول انها حاولت معه كثير
لكن على كلامها انو راكب راسه ومعند
قلت لها خليه على راحته
وهي تنصحني بالصبر والهدوء
وتنصحني ما اجلس لحالي واطلع اغير جو
حسستني ان بموت لو تركني ولدها
قلت لها ياخالتي اللي ربي كاتبه حيصير وانا راضيه فيه
وجلست تقول انه مهموم ووجهه صاير اسود لكن يكابر

ومن بين كلامها تقول لو مايحبك ماغير الديكورات وانتظرك
قلت لها مشكلتي معه اكبر من الديكور وهالشكليات
وهي قالت لي هو يحسب انه كذا راح يأدبك!!
قلت لها على ايش!! هو اللي بهذلني
قالت ايوه هو غلطان وعلى عيونه غشاوه ومايبغى يهين نفسه لمرأه.. تعرفي تفكير الرجال
قلت لها يا خالتي محد يرضى له الاهانه.. لكن الاعتراف بالخطأ فضيله
والرجال اذا شاري زوجته مستحيل يبهذلها ويتنازل عنها
وطلبت منها تتركه على راحته ولا تلح عليه
واذا بنكمل مع بعض او بنفترق فبكل الاحوال ربي رايد الخير


بيني وبينكم كرهته زياده
يعني لهالدرجه انا رخيصه حتى امه تحاول تقنعه فيني
شي عجيب.. وهو مصر لامه انه بيتجاهلني وبرجع
ومحتقرني عندها بصوره عجيبه
حسبي الله ونعم الوكيل