أتذكر زرت أحد الزملاء، صليت معه في المسجد، وجلسنا بعد الصلاة ندردش...

فقال لي: بأتزوج!

ففتحت عيناي فيه من التعجب!

قلت: إنت دوبك متزوج؟ ما كملت 3 شهور، باقي حتى ما عرفتها ولا عرفتك! تبغى نصيحتي؟

قال : ايوه
قلت: كمل السنة هذي معها، ولا عاد تفكر في الموضوع أبدا، وبعد سنة قل لي وش ناوي عليه، وأنا بأساعدك!

قال: بالله تساعدني؟
قلت: إي والله..
ومرت الأيام، وسافرت، وزرته بعد حوالي 5 شهور، وبعد ما تعشينا ... جالس يناظرني ويبتسم! فهمتها عاد!

قال: إنت باقي عند وعدك؟
قلت: إنت نقضت الاتفاق اللي بينا! أنا قلت: انس الموضوع سنة كاملة، وبعدين نبدأ!
ضحكنا وتغيرت السالفة ... ولا سألته عن شي أبدا...

المهم مرت الأيام، وزرته بحكم القرابة لما جيت المنطقة اللي يسكنها بعد 8 شهور تقريبا ...
وكنت ناسي الموضوع، فقام ذكرني، فضحكت، وبديت أحسب معاه كم له متزوج، طلع الرجال في نصف السنة الثانية... وقال لي: والله ما عاد أفكر بالموضوع، أحس إني منسجم مع زوجتي، ولا عندي رغبة ...