هلا مهره يسعدلي صباحك
اول رمضان فتحتلو سيره ملابس العيد وكسوة الصيف احنا بنشتري مره وحده في السنه او مرتين
وطلبت الفين درهم
حكالي ما عندي هذا الكلام اول رمضان
ارجعت الاربعاء فتحت موضوع الملابس
حكتلي وحده قسطيهم تقسيط لا تطلبي مره وحده المبلغ لانه راح يرفض
المهم حكيتلو طيب خلاص شو رايك نخلي الفلوس على اقساط
الف الحين
والالف الثانيه لبعد العيد الشهر الجاي << احلمي
حكالي ما فيه غير 500
حكيتلو انا واولادك الثلاثه 500 ما راح تكفي
قالي ما فيه غيرهن
عملي اياها قصة يوسف
يعني ضروري تشتري كل سنه ملابس << الله يخلص حقي منك يا عظيم
وانت ظروري تروح تخون وتحب وتعشق يا سفيه يا احمق وتعدد وبيتك الاول مقصر فيه
حكيتلو الملابس صغرو على اولادك
وانت عندك راتب وبتشتغل
قالي ناسيه البيت الثاني << حسبي الله عليك
لازم يذكرني بالكابوس اللي انا عايشته
حكيتلو والله ما حدا جبرك تروح تحب وتعشق وتخون وتتعدد على مرتك بدون ما تخبرها
وبعدين كيف بتطلب مني اراعي ظروفك
وانت ما راعيت ظروفي وانا بغربه وعندي اطفال وكنت مقصر معي
ليش مطلوب من دائما نضحي
عادة الزوجه بتضحي وبتصبر اذا كان زوجها بيستاهل ومساعدها ومتحملها مثل ما هي متحملتهو
المهم انا بمزح معاه بحكيلو طيب ماشي الله المستعان راح اخذهن
بحكيلو وانا بضحك 500 هاي لو بدي اشتري قطعه ماركة ما بتكفي غير شي واحد
وهجم علي يا حبيبتي بدو يخنقني ومسكني مسكة اعوذ بالله شوفتي الثور الهائج اللهم عافينا نفس الشي
انت بتعايرني لاني ظروفي صعبه
حكيتلو انا بمزح معك وانت بتعرف اسلوبي وقصدي
الزوجه ما بدها ماركات ولا لبس الزوجه بدها زوج يعاملها بما يرضي الله
قمت حكيتلو
هاي اخرتها
بعد صبري عليك
وتحملت ظروفك السيئة
وخياناتك
وقرفك
وبلاويك
وتقصيرك معي
هاي اخرتها بتمد ايديك علي
جاي يطلع رجولته ويستقوي على حرمه
روح استقوي على اليهود اللي في بلدك

وارسلتلو مسج
والله ما راح اسامحك على كل تقصير قصرتو معي
والله ما راح اسامحك اذا بتعطي الثانيه حقوق اكثر منا
مبارح ضليت ادعي عليه
يا حق تخلص حقنا منه اذا كان ظالمنا وبيعطي الثانيه حقوق اكثر منا ومطاعم وفنادق ووناسه ونوم وطلعات اكثر منا

__________________
انا لله وانا اليه راجعون