المشاركة الأصلية كتبت بواسطة ام مريمي

حبيبتي الاعتراف بوجود نقطه او مشكلة بالشخص نفسه تعتبر نصف العلاج ،،
انتي من النوع اللي جسمه يتاثر بنفسيته بشكل كبير بالتالي الكتم غييير مفيد لك ،، استغليرعدم وجود زوجك لحتى تضبطي امور في نفسك وهالشي بالمقام الاول لك انتي لراحتك النفسية ... لما تتذكري وتحسي بالكبت و الضغط عليك بالصراخ ! اصرخي وتكلمي بصوت عاالي دام ان مافي احد يسمعك او جنبك ،، بعدها اعملي تمرين التنفس واخذي زجاجة مو محتاجتها خالية افتحيها وتكلمي بكل شي ضايقك بحياتك بكل سر او احساس مكبوت حسيتي فيه ومريتي فيه بحياتك قبل زواجك و قولي كل مشاعرك السلبية بهالزجاجة وبعد ماتنتهي اغلقيها وقولي بنفسك خلاص كل هالمشاااعر السلبية راااحت ومالها مكان فلك خيارين يا اما تاخذي هالزجاجة وباقوى قوتك تكسريها ( بس تحملي من الزجاج لا يجي عليك ) او انك تحتفظي بها بخيث ان كل ما حسيتي بالكبت تطلقي مشاعرك فيها ...

بعدها اكتبي النقاط الضعيفة او اللي ماتعجبك بنفسك على ورقة ،، وانتي اوجدي حلول لكل نقطه وشنوو لازم يكون البديل لها ،، واكتبي بعدها قراراتك اللي لازم تبدئيها من اليووم ..

حبيبتي لا تضغطي على نفسك بالتغير المفااجئ عشان ماتفشلين من البداية يعني اعطي نفسك شهرين ثلاثة الى ان تعتادي على نمطك وتفكيرك زاسلوبك وشخصيتك الجديدة اعطي نفسك الفرصة للتغير ولا تخافي وانتي بمجرد ما تحسي بدرجة القبول والتغير الايجابي لزوجك راح تحسي بالتشجيع وتواصلي ،،، موضوع كلامك عن الطلاق وعدم اهتمامك لو طلق يوصل لزوجك معلومة انك مو متعلقة فيه وباي وقت عادي تتركينه وتحسسينه بالنفور او الابتعاد ويقلل الثقة فمثلا حطي نفسك مكانه شلونوبيكون احساسك لما زوجك بين اي مشكلة يقولك هالكلمتين فاشتغلي من هالناحية وكوني واثقه بنفسك وانتي ماشاء الله مو ناقصك شي من كل النواحي ،،