حياك الله أختي ..


معليش بيصير كلامي قاسي وتحمليه لأنك تبين مصلحتك ..

ياختي يوم انك فكرت تكلمين شاب وتتواصلين معه وكل هالقصص إللي تعبنا منها مافكرتِ بربك !!
مافكرتِ كيف ربي انوه ماعطيك فرص علك ترجعين وتتوبين ترى يا أختي الله يمهل ولا يهمل

فكري بحالك اشوي لو انك قريبة من ربي مارضيتِ بالمعصية .. إللي هالذنب إللي تقترفينه هألحين يبعث لش عواقب لن تنسينها بحياتك توبي ورجعي لله قبل ماتصيبك رجعي فكري بربك وبحالك وبنفسك بكرة من حبك وماتقدرين على فراقه الله يخليك ترضين تقابلينه وتسوون الجريمة وتحملين وتجيبين مصيبة تطيح فوق راسك فكري يمكن الله يبليك بمرض هالعلاقات ماتلاقين له علاج وتروح حياتك بغلطة كان بإمكانك تراجعين نفسك وتتوبين .. أختي حبيبتي الله عطانا عمر عطانا حياة علشان نعبده نطيعه مو نعصيه ونغضبه ..

بعدي عنه بعدي عنه بعدي عنه اتركييييييه ووش هو تقابلونه وتواجهونه يعني إللي ألحين بتقوون عليه ماقويتوا عليه من ورا تقوون عليه فالوجه ماقويتوا بمشاعركم تقوون بلسانكم حبيبتي اتركيه عنك وتركي عنك هالخربطة اذا شفتي الجهاز نقمة عليك الأفضل تتركينه ومثله البرامج يا أمي يا حبيبتي العلاقات هذي محرررررررمه محررررررمه لصالحك أنتي أولاً دوري مصلحتك لا تكوني ضعيفة للذئاب البشرية القوي يوم انك عارفه بألاعيبه وقلبك للحين متعلق فيه أبي اعرف كرامتك وين هي !! إذا هذي أولها الله يستر على تاليها .


انصحك أولاً أن ترجعين لله وتعلنين توبتك واحتسبي الأجر غاليتي من ترك لله شيئا عوض الله خيراً منه
ماتقابلينه وقطعي علاقتك فيه بالبته وقطعي اي تواصل يوصلك له البي البي حذفيه سوي لك حساب جديد
وتويتر كذلك حذفيييه لا تحاولين ترجعين له وقلبك قويه وادعي الله يحفظك ويبعد عنك كل الشرور
خلك حول أهلك وسعي صدرك معاهم أهلك أغلى منه بمليون ألف مره لا تضيعين الفرص عليك لا تكأبين حياتك بهالأمور

واتمنى من كل قلبي إنك ترجعين وتتوبين لوجه الله والله يعمر قلبك بذكره ويشغلك بطاعته ورضاه