عاوز اقولك حاجه قبل ماارد على مشكلتك ..
عارفه ايه معنى زواج ؟
الزواج يامنفرده عقد شراكه بين اتنين ..
بيشهد عليهم شهود ..
العقد ده بيلزم كل طرف بالتزامات معينه ..
معنى توقيعك على العقد يبقى انتى عارفه ايه هى شروط العقد وموافقه عليه وملتزمه بيه..
العقد ده مش عليكى لوحدك .. لا هو كمان عليه التزامات يجب ان يؤديها ..
لازم تعرفى اللى ليكى واللى عليكى عشان لما تناقشى تبقى على ارضيه صلبه ..
ساعات ومع الفارق طبعا يكون فيه شغل مع المقاول واقوله معلش اعملى الجزء ده وهو بيعمله رغم انه خارج العقد..
دى بنسميها روح العقد يعنى لما جوزك يقولك نضفى البيت انتى مش ملزمه تكنسى وتمسحى ولكن تقومى بهذا العمل حبا فيه وارضاءا له ..
ونقيس على كده كثير من المتطلبات واللى ممكن ناخدها بطيب خاطر او نستغنى عنها برضه بطيب خاطر ..
انا يمكن باقول الكلام ده ولسه ماردتيش عليكى بس حبيت انورك عشان تتقبلى كلامى ..
خدى بالك .. اللى انتى متجوزاه ده مش اخوكى ولا الولد اللى معاكى فى كى جى تو حاتضربيه لو خدت لعبتك ..
الراجل اللى ارتبطى بيه تحمل مسئولية الولايه من والدك وامانة رعايتك وايفاء شئونك ..
هو ليس انتى ولن يكون انتى كما انه له قدره على التغيير والتحمل كما لك قدره على التغيير والتحمل ولكن عرفينى ..
هل انت زوجته الوحيده ام زوجة معدد وهل هى اول تجربتك ام لك سابق تجربه وما شكلها ..
ساتابعك وساظل بجوارك فلتتحملينى