يمكن لو اطلعت اطلاع سريع ع مواضيعي هنا حتعرف أشياء كثير
لكن أكيد ما عندك وقت وأكيد بما اني ابغى اتغيّر فمستعدة أعيد من جديد

انا زوجة ثانيه
وكنت مُطلقة ..
انا من وانا بالثانوي كنت انخطب وأرفض ووافقت ع عريس وانا ب ثانيه جامعه ملكتي دامت 3 شهور وتركته الله يستر عليه وبعدها توالت الخطوبات توصل لمرحلة تطابق التحليل وتحديد الملكة وتتفركش بعدها تزوجت من مُبتعث من وقت الملكة قلت ما ابغاه بس اتهزأت من أمي وكملت الموضوع جلست معاه أسبوعين مُتفرقه وتركته كنت حامل وصار اللي صار وأحداث يا عمو لو بكتب ما اخلص بس ماعادت تهمني خلاص
كُنت انخطب والله قبل ما تجيني ورقة طلاقي بس كنت ارفض لانه شباب العائلة المتزوجين صاروا يخطبوني وصار ما يجيني الا مُعدد ورفضت مدة سنتين وكنت أقول ما ابغى أتزوج بس مع الأيام حسيت انه لازم أتزوج وتزوجت زوجي هذا عن اختيار وقناعه
والله العظيم ما قصر رغم انه ما يسوي الشي ع طول ولازم يزن لكن سوا لي أحلا فرح ب أحلا قاعه ودفع مهر مرتفع وسفرني خارج المملكة ويدلعني يوديني لصحباتي ويحترم اهلي جدا لكنه حار جدا ، عصبي ودائما ماد بوزه الله يهديه ، أسلوبه بالكلام فض رغم انه حنون ، صالون لا ولبس لا ومحلات انا ابغاها لا بس قبل يسافر وداني محل ابغاه يعاند ع المصروف بعد كذا لما طنشت اداني اللي ابغاه يعني الشغلة مزاج وعناد اذا الشي ما كان ع مزاجه ما يصير ، اتعمد ما أكلمه اذا راح لزوجته وعلشان هو مسافر رسل لي اتصلي علي ولما اتصلت يصرخ ويتكلم بصوت عالي قدامهم ، ليش يسوي كذا مدري ..

انا يا عمو رؤوف اعرف انه الزواج أخذ وعطاء بنفس الوقت تنازل من قِبَل المرأة فقط لانه الرجُل لا يُمْكِن يتنازل .. حتى مُشكلة الخمسة الأيام اللي فاتت كانت ع تفاهته وهو زعل وكبرها وانا والله اللي صغرت المشكلة وبردتها.. بس ع بالو بنساها له ؟ لا والله بس علشان مسافر قلت اتحاملي ع نفسك يا بنت وطنشي الين يجي الوقت المناسب وامتصيت السالفة كلها <<مو بكذا اكون تعلمت !

يعني العيوب اللي فيه مو كبيرة حتى تدخين ما يدخن الحمدلله بس انا أعصابي فايرة وما أتحمل وبكذا ما راح أعيش .. نفسي لما يعصب اطنش او اضحك او ارقص بس مو قادرة تكون الشغلة كرامة وشوفة نفس ومين يغلب مين بالنسبة ليا لان وقتها العقل يتعطل تماماً .

فيه عيب مضايقني وكبير وصادمني بس مو قادرة أستشير فيه اي شخص