أول شي الله يوفقك ويتمم لك على خير التوفيق بالزواج ماله دخل بكون الرجل عزوبي أو متزوج

_ إدعي ربك إنه يسخرك لزوجك ويسخره لك وحطي الله قدام عينك بكل تصرف تسوينه

_ لاتدققين كثير ولاتسألين كثير وطنشي كبري دماغك على قولة أخوانا المصريين أكظمي غيضك وأعفي وأصلحي لو صار شي من طرف زوجته أو عياله

_ لو صارت لاقدر الله مشاكل بينك وبينهم لاتدخلين زوجك فيها دخلي أطراف ثانيه محايده

_ لاتكثرين الشكوى والتذمر

_ أكسبي عياله وأهله وزوجته بحسن أخلاقك وتعاملك الطيب وصلي لهم رساله بشكل غير مباشر إنك مو جايه تاخذينه منهم

_ زوجك لاتخلينه محور حياتك لك أهلك وصديقاتك وجيرانك خليك إجتماعيه

_ إذا جاء زوجك عندك تعاملي معه وكأنك زوجته الوحيده يعني تصرفي طبيعي مو تتركين كل شي وتقابلينه تواصلي مع أهلك أطلعي زوري الناس حتى بيومك وخليه هو يوصلك أو أعزمي أحد عندك وخليه يستقبلهم معك

_ لازم تكونين نظيفه في بيتك ونفسك وتأدين واجباتك على أكمل وجه وتبيضين وجهه قدام ضيوفه

_ بيته الأول لاتقارنين نفسك فيه من كل النواحي هم أكثر منك وأحتياجاتهم تختلف عنك

_ المبيت لاتتنازلين عنه إلا بأشد الظروف الله لايقدر والمصروف أتفقي إنتي وياه عليه يعطيك مصروف للبيت ومصروف لك

_ خليك مرحه بشوشه إنسانه تحبين الحياه متجدده إذا عندك وظيفه أو دراسه أو حتى تجاره ماشيه فيها لاتتركينها

_ لاتستعجلين بالحمل إلا لو هو طلب منك أجلي الموضوع أقصى حد سنه

_ يكون سكنك مستقل عن زوجته وإذا هو ماطلب منك تزورينها لاتطلبين منه هالشي وإذا كلمتيها كلميها كأنها أختك عامليها بإحترام
بالأول يمكن تكون كارهتك لكن مع الوقت إذا عرفت معدنك بتتغير معك

_ خليك حنونه على أولاده لأنهم بيكونون إن شاء الله أخوان عيالك بالمستقبل

_ أصبري على أي أذى يجيك وقبل تشتكن لأحد أفرشي سجادتك وإدعي ربي يألف بين قلوبكم إنتي وزوجته وعياله وهو وأهله

_ لاتشتكين لأي أحد لو صارت لك مشاكل الناس بيحرضونك محد بينصحك بالخير إلا القلّه القليله شوفي أحد حكيم ورجل لأن الحريم الله يهديهم يزيدون الطين بلّه

وفي النهايه زي ماقلت لك حطي الله قدام عينك وأعرفي إن المشاكل مالها دخل بكون الرجل متزوج أو عزابي وكثير شفنا زوجات وحيدات يشتكون من أهل الزوج نفسهم ويمكن حتى تسببوا في طلاقهم والزواج من معدد لاهو عيب ولا هو حرام

إسألي الله التوفيق دايماً بكل صلاة وتقربي لربك عشان يوفقك بكل أمور حياتك مو بس زواجك و خليك على أستعداد نفسي دائماً إنه بياخذ الثالثه

وأكثر حاجه تملكين فيها الشخص التعااااااامل واللسان الحلو مو بس معاه مع أهله وعياله و زوجته

والله يسعدك