المشاركة الأصلية كتبت بواسطة فاطمة*

اخي المهموم
جزاك الله خير ووفقك لكل خير ولا نستغني عن اي نصائح تتذكرها

ضيعتني العاطفة
شاكرة توضيحك وان شاء الله اكون الثانية والاخييييييره بقلبه وعقله وحياته
بدون ظلم للأولى والله مااارضى عليها ظلم لو ارضاه لنفسي

اخواني واخواتي حبيت استشيركم في نقطة
كثيرات قالولي اشترطي ما تشوفين حرمته ولا تشوفك بس شفتها صعبه افرضوا عزيمه عند اهله او مناسبه
طبيعي ثنتينا بنحضر يعني كذا كذا بشوفها

ونقطه الثانيه
شايله هم عياله مو كل ما راحت امهم مشوار ولا موعد لمستشفى جابهم عندي
ما ابغا اعودها عشان ما تاخذها حلى وطريق لخلق المشاكل بيني وبين زوجي
كيف افهمه عيالها اذا احتاجت مشوار ما يجون عندي

نقطه اخيره ويمكن تكون تافهه وتضحك
ما ابغا اركب السياره معاها
لانه اكيد بكون يا قدام يا ورى ودائما اكره اتخيل شكلي جالسه ورى اتخيل انهم شايلين معاهم غنمه او ذبيحه الله يعزني ويكرمني
بتقولون تفاهه لكن والله منجد افكر في كل نقطه فين بيكون مكاني
والعمره بيعمر كل وحده لحالها ولا يحوشنا مع بعض ابي اركز بعمرتي ما بي ببيت الله ناقر ونقير
سامحوني ولا تستهينون بتفكيري لي حق افكر كيف يتصرفون المعددين بهذي الحالات!!

لي عودة ان شاء الله