ههههههههههههههههههه شكلك فهمتيني غلط أنا كنت زوجه ثانيه كيف أنتقدك أو أهاجمك على شي أنا سويته؟

لما قلت لك تأقلمي كلامي مو بس لك , لكل زوجه وأنا سبق وقلته بأحد المنتديات وجاني هجوم فظيع من النساء ودعاوي لاإله إلا الله

شوفي حبيبتي إذا تبين ترتاحين لاتدخلين مواضيع التعدد ولا تتكلمين فيها مع أي أحد لأنك والله ماراح ترتاحين إلا بيضيق صدرك وتوسوسين وتقارنين

عيشي حياتك وبس ومالك شغل بالناس وكلامهم إللي محد يسلم منه أنا من مجتمع مافيه تعدد ممكن الواحد يتزوج أكثر من مره لكن مايجمع حرمتين سوا ولا عندنا حريم ياخذون معددين

لك إن تتخيلين أنا كسرت القاعده وأخذت معدد كنت مريحه راسي ولا عمري شلت هم رأي أحد

بالنسبه لموضوع مين يركب قدام مايهم صدقيني عمر الغلا مايبين من هالشي ولو صار وطلعتوا سوا المفروض كلكم ورا

حتى لما تجتمعون بمكان مافي وحده تجلس جنبه يكون عياله حوالينه وبالنسبه لعياله هالشي إتفقي معاه من الأول

قولي عيالك على عيني وراسي وبيت أبوهم ماأقدر أمنعهم لكن مايجون عندي الا بأوقات معينه وساعات محدوده

أنا شخصياً مره زوجته أستأذنتني ترسل عيالها عندي عشان عندها زواج وافقت سهروا عندي للفجر

طبعاً أحترمتها لأنها أستأذنت وثانياً لأني أحب عياله وهم إللي كانوا مصبريني عليه

خذي الأمور بسلاسه ولاتسمعين لكلام الناس ولأجل عين تكرم مدينه هاذولي عياله قطعه منه وزوجته مهمن كان تظل لها مكانتها ولو ماأحترمها ولا قدرها فهو مافيه خير

وأرجع أقولك لاتقرين مواضيع التعدد ولاتتناقشين فيها مع أحد كل شخص و ظروفه و وضعه وحياته اللي مختلفه عن الآخر

ولو عشرين أو سبعين معدد كانوا ظالمين مايحق لنا نجزم إن كل المعددين كذا

والله يوفقك