السلام عليكم
عذت لكم من جديد بمشكلتي الي لا اعرف ما نهايتها

لي موضوع سابق بعنوان ناوية ع الطلاق بسبب عيوب زوجي
البعض غلطني والبعض اعطاني نصايح كانت غايبه عني والبعض قال علي ان اصبر واتحمل

الحين انا حاولت اطبق السكوت وعدم مناقرته وعدم ازعاجه كما يسميه
طبعا التحاور والنقاش وتبادل الاراء تسمى ازعاج وزن عنده
سكت ماصرت اقومه لصلاة الفجر ولا اذكره بالصلاة وهو قاعد عادي يمر العصر والمغرب والعشا وهو قاعد
انا اقوم اصلي وارجع وهو لسى قاعد
كلامي مختصر معاه صرت ربة بيت مثل ماكان يبغى بس مهمتي الطبخ وترتيب البيت والغسيل والكوي
حسيت انه مبسوط من هالوضع ولا اثر عليه بالعكس بكل حماس يجي يسالني وش ناقص وش اجيب طبعا مقاضي المطبخ
ويسالني متى حكوي ملابسه ومتى بغسل القميص الفلاني والعلاني
حتى مرة تاخر مرة في الليل واتصلت عليه لاني ماقدرت انام لسى ماتعودت ع البيت ويتهيأ لي اشياء اذا نمت رجع البيت وقال اكبر غلط سويته اني ماسكنت جنب اهلك عشان تكونين عندهم طول اليوم!!!
يعني الاخ مايبي يتحمل مسؤليه ولا يبي يلتزم بشي ولا يبي احد يقيده بشي
مع اني قليلة الطلعات نادر ما اطلع واذا طلعت مع اهلي ودوامي فقط
ولا مرة نمت برا البيت حتى عند اهلي احاول ارجع بسرعه
صار الصمت سيد الموقف ف البيت كلامنا محدود حتى الوجبات ماصرنا نجتمع فيها حاليا انا اصوم وهو لا
حاولت فيه ان نصوم سوا وكل يوم اقوله بكرا نصوم ويقول نشوف واقوله باقي ساعه ع الفجر عشان ننوي
يرد نشوف وش يصير لين الفجر ردود غريبة
بعدين يقولي انا متعود اصوم اخر شي من شوال
وانا متاكده انه مايصوم لان الصلاة اولى من الصيام بس كنت ابي اقيده بالصيام معي لكنه رفض
وياذن الفجر ولا نصوم وهكذا لين اخر يومين قلت له خلاص انا بصوم لحالي لاني وراي قضا وشوال
قال خلاص حلو لاحظو الجواب
ماقال اوكي بصوم معك او نبدا من اليوم الفلاني قال حلو وبس
انا صرت اصوم وهو لا فما صار نجتمع
نتفرج تلفزيون سوا والصمت مطبق مافي اي تعليق
هو يرد ع تليفوناته ويسبب ويقفل
الجديد انه بدل مايحل امور بيته بدا بالخيانه اي نعم متاكدة
رايت رقم مسجل ف قائمة المكالمات باسم بنت ومكالمة طويلة
ثم اعتقد حس اني شفته مسح المكالمة وانتبهت انه مسحه
لو هي مكالمه عادية ليش يمسحها؟؟
بعدها غير رقمه السري وماصرت اقدر افتح جواله لكن اشوفه طول الوقت ع الواتساب واول مايطلع من البيت تلفونه يكون انتظار
عرفت الرقم وفتحت الجوال لقيت نفس الرقم متصل عليه ودقايق طويله وقت خروجه من البيت
طبعا المحادثات هو يمسحها اول باول فكانت ف محادثة جدديدة هو ماشافها هي مرسله فيها وينك ياولد!!
انا ما انكر صرت ناشفه وجافه معاه اكثر ومني طايقته ابدا لكن مسوية كل حقوقه اكل شرب وانا اذا نام
الجديد انه صار ينام ف الغرفه لكن الجماع حدد له ايام بنفسه لاحظت انه كل اربع او خمس ايام
وتكون تاديه واجب وينتظر مني ان افعل كل شي كانه يقول يلا سلمتك نفسي هالمرة خلصي خذي الي تبين
وطبيعي تجاوبي يكون ضعيف فيبدا هو بالتهكم خير وش فيك تتمنعي تبغي ولا لا؟؟!!!

ارائكم وحلولكم هل تعتقدو وضعنا حيستمر كذا ولا هذه بداية النهاية
ما انسى اقولكم ان وضعي النفسي جدا سئ وشخص الدكتور انها بداية اكتئاب اعاني خمول وكسل ونوم وثقل ف الراس مع الم عند لمس الراس هذه اول مرة تصير فيني امسك راسي واضغط عليه يالمني كان الاعصاب مشدودة

رحماك ياربي