الله يسعدك دنيا واخرة متل ما ادخلت الضحكة على قلبي اسلوبك ممتع بالسرد حسستني حرب ووالعة هههههخ
اخي ئديش اعمار اطفالك اذا صاروا بعمر المدرسة حلو هلئ طفل واذا بعدهن صغار اقنعها تشيل الفكرة بطريقة حلوة تحتوي غضبها يعني اتوقع انها تزعل وتدوي صفارات الانذار وانت بالمقابل كون هادئ الاعصاب كرمال ما يولع البيت
بالنسبة لحياة العزوبية حلو بين فترة وفترة الانسان يبعد عن شريكه ليجدد حياتو ويسترجع الذكريات الحلوة
انا خلال مدة زواجي بس تلات مرات بعدت عن زوجي كوننا عايشين بأوروبا بننزل سوا وبنرجع سوا بسب
ببعض السفرات طلبت اقعد فترة اكتر وسافر زوجي وعلى اساس ابقى شهر من بعده ومن اول اسبوع ببلش التذمر عالتلات اسابيع برجع بسافر لعندو وما بكمل الشهر كونو بيتوتي فيحس بالوحشة والبيت بلا روح واخر فترة صار يقلي يا بنسافر سوا وبنطلع سوا او لاء لانو ما بدو يبقى لوحدو
والفترة اللي كنا نبعد فيها صرت اتعب من المكالمات هوي ضجران يضل مكالمات وانا ما ارجع اخد رياحتي مع اهلي واصحابي كل وقتي عالمكالمات والمراسلات مع زوجي فصرت فضل ما ابعد
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه