رد : يوميات زوج اعزب .. وفعلا صدق المثل ..!
اقتباس:
المشاركة الأصلية كتبت بواسطة ام مريمي
ترجع زوجتك واولادك لك بالسلامة ان شاء الله ،، يالله فترة نقاهه لك ولها ... انا من محبي النقاهه رغم ان تونا ببداية مشوار الزواج بس حلووو هي ترتاح وانت بعد .. انا اشوف نفسي استانس وتطلع لي افكار هههههههه اما زوجي على قولته يرجع عزوبي ولكن بعد مثلك بسرعه يتملل مادري ليش ! ،،
موضوع الاولاد ،، انا كنت بمكان زوجتك الزوج رافض وانا مصرة و كان الشي لمصلحتي تاجيل الحمل وهو كان مبرره صحيح ومعاه حق يعني للعايلة كلها ولي شخصيا بسبب انتقال عملي وحملي المتعب ولكني اصريت وصل الحمل وفعلا كلامه بمكانه اعترف بهالشي ولكن رغم هذا حابة يكون طفى مع بنتي ... عليك تتفاهم مع زوجتك وتوعدها بالضبط بعد كم راح يفتح لكم المجال فمثلا بعد سنة ؟ او اقل لحتى هي ترتاح وتفهم انك مو رافض الفكرة ككل .. وربي يوفقكم يارب
عشوقة😂 ،، الله يهداك لاتحديه على الطبخ والله ترجعالمرة وتشوف المطبخ مولع ع الاخر ههههههه .. ذكرتيني بايام نفاسي رجعت وانا مشتاقة للبيت واولهم المطبخ ولما شفته شوي وقلبي يوقف من هول الصدمة وزوجي مباشرة سكر الباب وقالي بس المطبخ نسيت انظفه هههههههههه!
|
الله يسلمك ام مريمي .. ياشينها فترة النقاهه هذه .. الغريب سبحان الله قبل زواجي كنت احب الهدوء والانعزال والروقان وعدم الازعاج وبعد الزواج صرت العكس تماما .. فعلا البيئة المحيطه بالانسان تغير فيه كثيرا ..
كل الازواج يتمللون الا ماندر وانا اعتقد الي يتملل اكثر معناته يحب زوجته اكثر والي مطنش ولايسال عنها فهو يبي الفكة منها ولا يدري عنها .. لانه لايوجد تفسير ان الزوج يتملل ويسال عن زوجته واولاده اذا ابتعدوا غير حبه لهم .. واشتياقه لهم ..
عقدت معاها هدنة ورفعت الراية البيضاء واعلنت استسلامها وانصياعها لخطتنا بتأجيل الحمل حتى نستقر ان شاء الله ومايكون ورانا سفر ولا ارتباطات ..
الحمل يعني مسؤلية وتربية مو بس اطفال وخلاص ..
بالنسبة للمطبخ .. شاي وقهوة وعصير وموية والاكل من برى .. لو احاول اطبخ واحوس المطبخ عليها يمكن لما ترجع يجيها سكتة لاني اذكر زمان حاولت اطبخ وجلست احوس ادور على المكونات والاشياء الي احتاجها وتعبت وانا ادور .. ههههههههه اساسا هي تقول لاتحوس علي المطبخ لابغيت شيء كلمني !