ايوه صح هذا اللي صار
انه مره مبسط المشكله ..
وحكى لهم زي ما قلتي انه انا ضربتهم عشان السواق والتنظيف
بس ترا مهما يكون
ومهما حكى
اعمامي مقتنعين انه لما ضربنا بهالطريقه الوحشيه ما كان له حق
وان الموضوع ( حتى لو اقتنعوا انه يقهر )
ما يعالجه بهالطريقه

وسبحان الله شوفي اي انسان بتحطينه ب موضع انه متهم ماراح يعترف
ولا راح يتنازل وراح تكون عنده مبرراته حتى لو كانت تافهه !

يعني زي المجرمين والقتله اللي مره سووا معاهم لقاء اذكر ف برنامج
وسألوهم عن دوافعهم كانت مره تضحك ، شي لا يصدق ، الله لا يبلانا


- اممم الحمدلله محد لامني ع نقطه انه عمي تدخل
لاني استأذنت من ابوي

- اهلي بيرجعون بعد اسبوع يمكن

- ابوي ردة فعله متعاطفه معانا ( و راح ارجع اكتب كل شي صار )
وامي هو كان طول المشكله يبيها توقف ب صفه ف كان يخبرها عن الاحداث
من وجهة نظره اولا بأول ف طبيعي كانت متعاطفه معاه
امس ارسلت لي : ليش تضاربتوا
ماله داعي توصل الامور بينكم لكذا
( يعني حسيتها تهاجمني وتحملني جزء من المسؤوليه )
بكاني ردها

بعدين ارسلت لها :
محد تضارب مع الثاني واساسا مانشوفه عشان يصير بيننا احتكاك
بس صار موقف تافه و مد يده علينا
وارسلت لها صور لوجهي انا واختي !

ومرررره تأثرت امي .. بكيت مره ثانيه لما حسيتها رحمتنا : (