رد : كيف أتأقلم مع طباع زوجي من غير ماأكبت وأمرض نفسي؟
اقتباس:
المشاركة الأصلية كتبت بواسطة ★Rose
حبيبتي شخصية زوجك بدها انك تعامليه بذكاء الزوجة
لاتكوني الي بقلبك على لسانك لأنه كاشفك وصار يستفزك بسهولة ويمكن عم يستمتع انك هيك
شوفي زوجك منيح كتير
ومشان تعيشي بسلام فكري ونفسية مرتاحة لازم تطولي بالك كتير ولا تعملي رد فعل سريع
صيري رايقة اتغيري
اهتمي بحالك الك
خليكي بكل وقت على سنقة عشرة
مأنقة ومرتبة
وريحة عطرك تفوح بالبيت
لاتعامليه بالمثل لأنه حيزيد وحتوصليه للي بده اياه انه يستفزك وتعصبي
خليكي احسن منه بكل شي
لما تلاقيه عم يحكي معك وفجأة قاطعك بالكلام روحي لعنده واحضنيه ولاتكملي الموضوع
لما تلاقيه عم يتشيك ساعديه بلبسه وعطريه لاتبينيله انك مقهورة لانه حيزيد
وانتي كمان بالبيت اتعطري
اهتمي بحالك اضعاف اهتمامه بحاله
اعملي لوك جديد الك بقصة شعر او بصبغة او هاي لايت
خليه يعرف انه عنده جوهرة خليه يتلخبط من جواه ويعرف انه حركاته معك عالفاضي لانك عارفة قيمة حالك وهالشي ببين من اهتمامك بحالك وباناقتك
وماشاءالله انتي اصغر منه بكتير وهالشي لصالحك
زوجك مابده معاملة بالمتل زوجك بده احتواء اكتر
وانك ماتدققي على كل شي
مشي ولا توجعي راسك
تركيبة مخ الرجال مو متلنا
احنا حساسات وبنوجع راسنا وندقق
وهم ولا على بالهم بيهتموا بالنتيجة فقط
واحنا بنهتم بتفاصيل التفاصيل
روقي راسك بتحلو حياتك
حاسة كلامي ملخبط ان شاءالله اكون افدتك ياقلبي.
|
هو مايستفز ولا يستفز بضم الياء ...ولاعليه اهتميت ماهتميت ساعدته ماساعدته لبست مالبست قصيت قصة قصيت عالزيرو عااااادي عنده واذا قلت له ليه ماتهتم شغل اسطوانته انتي موسوسة انتي مريضة انا تعبت معاك انا مانام بسببك وسبب مشاكلك