حبيبتي لي فترة طويله ما دخلت المنتدى ومادخلت اليوم الا علشانك

انا اكتشفت خيانة زوجي وانا عروس بأول شهور زواجنا وكنت مقبلة على عمليه تلقيح صناعي كان عنده ضعف بسيط تخيلي الصدمه وانا وثقت فيه وحطيت كل املي فيه

طبعا قومت الدنيا وما قعدتنا وتمنيت الموت لانه اعرف هالشي يهدم كل الحياه فمابالك بحياه توها تبتدي

راقبت فتشت قطعت نفسي بكي وكل حياتي كانت مشاكل والاخوان والاخوات هنا ما قصرو وبالخصوص الأخت نور الايمان

اليوم بعد سنه واشوي اقولك انا تقريبا نسيت هالموضوع نهائي بداخلي خوف قلق غيره طبيعي لكن زوجي اثبت لي اكثر من مره انه صادق وكانت زله مشيت بالأحرى انا بعد وكبرت دماغي لكن عقب شنو معاناه عشتها سنه واشوي

اليوم انا احبه بس مو بموت عليه واتوقع الصدمه بأي لحظه صرت مرنه واعتقد خلاص طلعت كل اللي فيني وبكيته والمته وجرحته وطلبت الطلاق وشفت إصراره علي .

انا اليوم وحده ثانيه اسعى لنفسي ولبيتي مو بس عايشه لزوجي بس طبعا الحب تبدل مو زي أيام الخطوبه والزواج لكن أحاول بكل مااقدر لا اراقب لاافتش لا اتعب قلبي اذا خان بيوم راح ربي يفضحه وانا اعمل بطيبتي وبأصلي ولا ينقصه شي أي نعم صرت حساسه مره عصبيه مرات بس الحمدلله افضل بكثير واقدر أقول اني تجاوزت هالسالفه

الله يوفقك