رد زوجي بهذه الرسالة بعد ان رفضت مكالمته .. ورديت عليه في نفس الرساله ما بين الاقواس ..

أسعد الله مسائك بكل خير زوجتي الغاليه . سوف ابداء معك من بدايه رسالتك عندما تدعي أني لم امسح الرقم ولم اعمل حظر وهذا غير صحيح

.(( (( ارجع للرسائل المرسلة وسوف تجد الرقم والرساله الناقصة )) ))

وطلبت تغيير رقم الواتس وسبق ان تم شرح ذلك مسبقا

(( (( بامكانك تغييره دون شرح فحسب كلامك انت تم حذفك من اغلب القروبات )) )) .

كنت ناوي أعلمك اذا رجعت امريكا برسالتها وتم إبلاغك بأنها اتصلت أيضاً .

(( ((وش فادتني نيتك .. فرصه وضيعتها )) ))

لو كنت ناوى على الزنا لم انتظر سنه

.(( (( اجل ليش تكتب الحمدلله ما حصل الزنا دام مالك نية )) ))

بدايه الرساله لها كما أرسلت لك بالحرف .كان ذلك وسط الأمراض والأحزان والموت لاننى لم انك أدرك وقتها حجم ذلك الفعل و عواقبه

(( (( وهذا اللي خوفني وخلاني اتاكد انها مو نزوه اذا ما ادركت هذي اجل وش بتدرك )) ))

. محادثه يوميه غير صحيح

(( (( ولا يهمك اسبوعيه المهم انها لاخر الليل وانا معك في البيت ))))

. أخبرتها بوفاته جدك قبلك غير صحيح

(((( اجل نسيت وقفتها معك في عزاه الله يرحمه ))))

.تم حذف تطبيق الواتس و الفيس وإذا فيه طريقه ثانيه للحذف اخبرني بها

(((( لو بغيت كان دورت في قوقل وعرفت ))))

.واخيرا ترجع تقول أني عرفت انك تبت فلماذا تتمادى في التفكير السلبي وتجعل الشيطان يسيطر على أفكارك التائب يحتاج من يعينه ويساعده ليس من يكرر عليه قصص الذنوب الماضيه

(((( توبتك لله ثم لنفسك وليست لي وانا وقفت معك وساعدتك ونسيت نفسي وانت نسيتني وما قدمت لي شي من اللي طلبته منك عشان تريحني ))))


(((( انت عارف ومتاكد لو ما انكشفت بتستمر لحد ما تجيك لامريكا .. ما وقفت بكيفك انت خيرت بين بيتك ورغبتك واخترت عقلك مو قلبك )))).

( اذا صح من الود فالكل هينا - وكل الذي فوق التراب تراب ) ملاحظه : اعلمي يا زوجتي الغاليه أني كنت احبك ولازلت احبك وسوف استمر في حبك الى الأبد .

بقية ردي ..

......... فكر في الموضوع من زاويه ثانيه وش تبغى في زوجة ما عفتك عن الحرام ما ملأت عينك وقلبك عن الكل ..
انا ما رجعت اذكرك في شي ترى كتمت في قلبي كثير عشان ما اظلمك واظلم نفسي واقنعت نفسي انها مراهقه متاخره بس بعد المشكله الاخيره بعد موضوع الصور رغم اني ما تكلمت لكني انهرت من الداخل لانها كانت اهم حاجه حلفتك عليها

طلبت منك ما تفتح معي باب نقاش لاني انتهيت منه وما عاد يهمني اسمع تبرير

ظلمك لي اهانتك لكرامتي جرحك لقلبي انفتح وقام ينزف من بعد المشكله الاخيره ..
انا ما اكرهك ولا يمكن ارضى لك الالم بس تعاستي ما بيوقفها غير الفراق ..

اتمنى ما عاد تراسلني اذا مر علي يوم من غير ما ابكي انا براسلك ..
اعرف ان ممكن تكون حياتي بعدك اتعس من الان وان ممكن اموت يوم اسمع خبر زواجك بس ما يهمني غير اغير وضعي سواء للافضل او الاسواء اهم شي اغير ..
المشكله مو فيك فيني انا .. انت مو بايدك تداويني تريحني ترجع الطمأنينه لقلبي لاني عرضت عليك وش ممكن يساعدني وطنشت ..
اجل اتركني اداوي نفسي عشان اولادي وانت والله ما اتمنى لك الا الخير