بحاول اختصر الاحداث

كان كلي امل وثقة في زوجي انه يرجعني ويتناسى الي حصل لكن هانت العشرة صح اني غلطت صح اني ارتكبت اغلاط في حقه لكن اعتذرت وانزلت مقامي لكن قلبه الطيب الحنون ما قدر يسامح
الرجل الذي لم احبب احدا غيره وبنيت احلامي معه الرجل الي اذا راح عمله اتعطش لعودته الرجل الي والله العظيم ما سكن قلبي غيره ما قدر يسامح حبيبته 3 سنين كلها حب ومودة والله لو تكلمت عن ايجابياته لملئت كل صفحات المنتدى تنازل عني

انتهت عدتي وما جا في بالي انها انتهت كنت اظن انها في بدايتها من شدة واملي انه راح يراجعني
والله اني بأيام عصيبة كلها بكى ومرض وما افارق سريري والدمعة ما تفارق خدي واتندم واتحسف على الايام السابقة ياليت ما سويت ياليت ما فعلت بس خلاص ما ينفع الندم
فأعذروني اذا كان كلامي غير واضح يالله انا شايلة نفسية كان اكتب الموضوع الله لا يحرمكم الاجر انتم وقفتو بجانبي وما قصرتوا ابدا معي

جاني احد الايام على الفجر وقال يلا البسي عبايتكي ولمي شنطكي وانا اسئل ليه ايش سويت؟ ايش حصل؟ قال ما سويتي شيء بس العدة خلصت والله من الصدمة ما قدرت اتكلم وقمت من مكاني احسب واقول في نفسي من جد خلصت؟ وردة فعلي كانت غريبة قمت لميت الشنط والدمعة ما توقف وطليقي يساعدني وقبل ما اخرج من البيت نظرت في ارجائه نظرة الوداع وقلت في نفسي وداعا يا من جمعني بأروع انسان وركبت السيارة وطول الطريق ساكتة مصدومة ابكي وطليقي يهديني ويقول والله انه خير لنا وذكرني بمواقفنا الحلوة ويقول والله ابي لكي الخير روحي تزوجي انجبي عيال وربي يوفقكي وين ما رحتي يا احلى انسانة وقال كلام طويل يمدحني فيه وان لي مكانة في قلبه لكن اختصر وصلنا بيت اهلي وقال انتبهي على نفسك وخلاص اعتبريني من الماضي وسامحيني على كل شيء ودعواتي لكي يالغالية والله يقولها ودمعته في عينه ودعني وانتظري لين قفلت الماء وراح وشعوري وقتها مثل الميتة امشي وماني دارية عن شيء لدرجة ان كنت بدخل شقة جارنا استقبلوني اهلي وطنشتهم رحت الغرفة ابكي و ابكي لا اكل ولا اشرب ولا شيء اموت في اليوم الف مرة

وكلها كم يوم حتى اني لم افق من صدمتي الا يدق باب بيتنا عمي ويسلم على الوالد وبعد كلام طويل عريض طلب يدي لأبنه وانه راح يفعل ويعوضها عن الماضي ويجعلها تاج في راسه ابوي قال اعطيتها وقت حتى تفيق من صدمتها ويصير خير راح عمي وكلم امي في الموضوع امي رفضت رفض تام قالت اعطي فلان طليقي مدة يمكن يتعالج ويحن ويرجعها سألوني عن رأيي ما جاوبت عليهم ورحت غرفتي واكملو حديثهم

والله يا اخوتي محتاجة وقفة منكم والله اني امر بحالة مزرية ونفسيتي جدا تعبانة احيانا امسك جوالي واكتب رسالة لطليقي ومن بعدها امسحها او احاول اتصل عليه بعدها اغلق
اشعر ان لا حياة لي من دونه

وقفتكم يا اخوة ودعواتي لكم لن تتوقف

__________________
· خير ما أتمنى في الوجود دعائك لي عند السجود ومرافقتك في جنةالخلود