كيف ننسى الموضوع وننام واحنا عارفين ان ورانا طفل مرمي ببلاد غربة
حتى النوم مو قادرين ننام وحتى الاكل ينزل بصعوبة
صعب نكون مثل اهل الولد ونرمي الموضوع ورانا بكل بساطة
الحمدلله ان لازال عندنا ضمير حي
وانا مستغربة ومصدومة ان في ناس معدومة الضمير بهذا الشكل مثل هذا الشاب وأهله
كلمنا محامي اليوم مثل ممانصحتوني .. والمحامي بشرنا ان القضايا هذه انتشرت كثير حاليا
وصارت في صالح الطفل الحمدلله .. وقالنا يثبت نسبه للاب وان بعض القوانين والفتاوي تغيرت نظرا"
للاضرار اللي ترتبت على الأطفال المساكين ولوجود تحاليل الدي ان ايه اللي تثبت النسب غصبن عن الولد واهله.. الحمدلله طمنا كثير .. قالي بنفسه ان الملاجيء صارت مليانة بسبب الأطفال اللي يتخلو عنهم اباءهم ويرموهم في الملاجيء ويكمملو حياتهم كأن شيئا لم يكن ..
شيء مؤسف فعلا لكن لازم نواجه ان الشباب صارو لعابين والبنات للأسف ساذجات مثل اختي والضحايا هم الاطفال اللي مالهم أي ذنب ..
باقي بس نروح لدار الإفتاء ونتأكد منهم من كل شي بإذن الله ..
وحتى لو كان فيها حد .. اهلي يبغون الحد يقام على اختي عشان تتطهر من ذنبها .. وحتى هي تبغى الحد