السلام عليكم ورحمة الله وبركاتة .... انا امي وابويا منفصلين من ايام ما انا طفله وعندي اخ واحد اصغر مني بسنتين ابي يشتغل في دوله غربيه في مركز مرموق وامي كمان موظفه وحالها طيب في الاول هى اللي كانت تصرف علينا وبعدين قالها الناس تتكلم عليا فصار يرسل لها مصروف وهو يجي كل كم سنه يبات عند عمتي ونبات معاه وياريت يجلس معانا يخرج ويتركنا في بيتها وهى ما كانت حبتنا ولما كبرنا اخويا جاتو بعثه في نفس دولتو بس قالو ما ابغاك معايا في نفس البيت راح وداه جامعه بعيده 3 ساعات بالطياره ومره اخويا طاح من الدور ال2 واا زاره ولا اهتم يقول كذاب ونصاب!!!! ها حاول الخص ايش ابرز اللي يضايقني في 1- نشوفو مره كل سنه او سنتين مره طول الوقت يشتم ويسبب ويعايب في امي واهلها 2- طول الوقت يقول ايش استفدت من زواجتي لامكم غير اني جبتكم وانا ايش استفدت منكم !!!!!!


3- هو حالتو الماديه جدا ممتازه يعطينا اقل القليل ويمن بشكل. مو طبيعي وقدام الناس عشان يشهدهم مثلا عشان اهلو انتقدوه اشترى سياره اي كلام لاخويا وطول الوقت يمن عليه وانا نفس الشي يعطيني قدام زوجي ومهما اكون محتاجه ما تطلب منو لاني لو طلبت ما يعطيني حتى لو لشي ضروري جدا 4- يتصدق على الناس يقول اعطيها للناس احسن اجل اتركها لكم تفرحو بيها لا والله !!! 5- اخويا خطب وما ساعدو قامت امي واهلها وقفو مع اخويا وساعدوه لما عرف خاف من كلام الناس وساعدوه بشي بسيط وحتى قالو انا اشتريلك غرفه النوم من مكان رخيص 6- مره عمل حركه يبغى يوقع بيني وبين اخويا حتى زوجي قال في احد يفرق بين اولادو!!!!!! هذي اشياء والله نبذه عنو ولا في اشياء اسوأ طيب نقول جاهل لا والله دكتواره في علم النفس التربوي طيب نقول فاسد لا حافظ لكتاب الله ومن عيله كلهم علماء دين فقير لا ماشاء الله ولد عز طيب اهلو معقدين بالعكس امي تشكر في امو وابو وللعلم عمرو ما صرف على امي ايام ما كانو مع بعض اليوم يكلمني يقولي احرق الفلوس ولا اعطيها لاخوكي عشان يتزوج اكيد بتقولو اخويا عاق لا والله احنا نفكر كثير نقاطعو ونرتاح بس خايفين من العقوق



تم تعديل العنوان ليتناسب مع مضمون الموضوع