ام مريمي الله يسعدك ع تفاعلك معي ماتتدري كلماتك قد ايش تاثر فيني
نور الهدى الله يسمع منك يارب

ابوي جلس معاي بس وكانت جلسة عتاب اني انا المفترض اتحمل ووو
قال هو غلطان اوكي بس انتي المفروض ماتغلطي صلحي من نفسك هو يتصلح
صراحة ابوي كان قاسي جدا معي والي فهمته انه يبيني اقعد واتحمله لين مايتعدل ولا بيحملني الغلط كله
زادني قهر الله يهديه
طبعا زوجي ماكان موجود كنا بس انا وابوي
بابا قال مابكلمه لين هو يكلمني وانتي تظلين هنا لين ينطق كلمة الطلاق لا وتكملين العده بعد
ياقسوتك يابوي
بصراحة حاسه ان الذنب كله تحط علي
زوجي يوم رجع كلم امي قالها خلاص حنا مو متفاهمين ولازم ننفصل
امي عصبت قالت له ترا الزواج مو غصب وبنتنا ماتثقل علينا
قال يصير خير

والله مو عارفه وش اسوي امي تقولي كلمي امه واشكيه عندها لان هو قاعد يشوه سمعتك عند الكل ويحملك الغلط
وانا للحين ماسويت شي اقل شي اقول ان سبب تغيري هي خيانته
والله احس لساني مربط ومو عارفه اتصرف

هل اكلم امه واحكي لها مع ان علاقتي بامه رسميه والام دايم توقف مع ولدها
الله يفرجها علي
احس اني ادخل هنا افضفض وماني عارفه وش اسوي
دعواتكم