رد : جاني اكتئاب شديد بعد الزواج
بصراحه احس وجهة نظر ابوك صحيحه - مع احترامي
لما قال دلعتها و مشغوله ب كلام فاضي !
انا ما اشوف زوجك غلط
لما كتبتي المقدمه تخيلت اشياء اعظم
يعني الحين انتي اللي مزعلك :
- ما دخل يوم الزواج ( مع انه لو سألتي عن الحكم الشرعي المختص ب دخول الرجال على النساء ب تعرفين ان تصرف زوجك صحيح ، + احس انك تحرجينه كذا + ما هي من عاداتنا لا ك عرب او ك مسلمين ان الرجال يدخلون على الحريم وهذا من منكرات الأفراح اللي انتشرت )
يعني انا اشوفها نقطه ايجابيه تحسب له
لو فكرتي فيها بالذات من ناحية الشرع
- التصوير و الكاميرات العاديه ( انا بنفسي حضرت زواجات كثير والتصوير كان ب كاميرات عاديه
لانه انتي عارفه كم تكلف المصوره العاديه بالاضافه لإلبوم الصور
والله حرام احس تكاليف مالها داعي وكلها بظهر الرجال المسكين )
تدرين ايش مشكلتك الكبرى ( احلامك الورديه عن الزواج + مقارنتك لحياتك وحياة صحباتك )
و تدرين انك عالجتي مشكلتك ب طريقتين غلط ( انك طلعتي من بيتك و تركتيه
، اشتكيتي لأشخاص ما عالجوا مشكلتك ب حكمه و عقل )
أولا لازم تعرفين حقيقة الحياة ككل كما ذكرها الله في القرآن
( ولقد خلقنا الإنسان في كبد )
والزواج جزء من هذه الحياه ، يعني أكيد ماراح يكون يشبه احلامك الورديه ابدا
ما اقول ان الزواج تعاسه بالعكس نعمه من نعم الله على عبده
( فيها اعفاف للإنسان عن الحرام ، بالزواج تقدرين تأسسين اسره مسلمه تمشي على كتاب الله وسنة رسوله ، امور كثيره اكبر و اعمق يحتويها الزواج )
ما اقول ان الزواج راح يكون جحيم لكنه ما راح يكون جنه
لكن اللي لازم تتأكدي منه انه راح يكون اضافه جدا رائعه لحياتك
لأنه يحتوي مجموعه من النعم !
مدري ودي اتكلم معاك اكثر بخصوص هالموضوع وبشكل موسع !
بس اللي الحين عليك انك تسوينه :
- انك تقرأين عن منكرات الأفراح ، وتعرفين انك ما خسرتي شي ب زواجك
بالعكس كل اللي فقدتيه كان من الكماليات والاشياء غير المهمه
وان الحياه عمرها ما بتكون كامله لأنها تبقى حياه ، انتي مانتي في الجنه
- اقرأي و تثقفي عن الزواج بالإسلام حكمته ومشروعيته
عن شخصية الزوج ، احضري دورات لتأهيل المقبلات على الزواج ، اسمعي مقاطع !
لأني بصراحه مابي اخوفك بس لو استمريتي بنفس طريقة تفكيرك الخياليه
وتضخيمك للأمور ومقارنتك بين حياتك وحياة صحباتك و تشتكين لأهلك
ما اتوقع ابدا حياتك تستمر ، و انتبهي ينتهي فيك المطاف كذا ( مو عشان شي بس عشان واضح ان زوجك انسان جدا كويس و محترم )
والدليل طريقة تعامله مع ابوك !
الله يوفقك